Зошто пилотите одбиваат да слетаат со полни резервоари? Животите зависат од оваа одлука!
Малкумина патници навистина размислуваат што се случува во кабината на пилотите по необичното известување: „Нѐ очекува принудно слетување“. Од сите критични одлуки што ги носат пилотот и екипажот, една од најважните е – како и колку брзо да се намали тежината на авионот, најчесто преку исфрлање или трошење на горивото. Многумина ја забележуваат долгата обиколка околу аеродромот, но ретко кој знае – оваа процедура може буквално да спречи катастрофа.
In This Article:
Физиката зад оваа ситуација
Авионите не се како автомобилите. Тие се конструирани за одредена тежина на полетување, лет и слетување. На пример, кај Boeing 777, максималната полетна маса е 350 тони, а дозволената за слетување е само 250–260 тони. Тоа значи дека веднаш по полетувањето, авионот е премногу тежок за безбедно слетување, особено ако има полни резервоари. Во нормални услови, разликата во маса се балансира преку трошењето на горивото во текот на летот. Но, ако мора итно да се слета, ова е најголемиот ризик – тежината ја зголемува и силата на ударот при приземјување.
Опасноста е скриена во силите на ударот
Главниот проблем со голема тежина – најмногу гориво – е во тоа што подлогата, тркалата и шасијата треба да ја апсорбираат далеку поголема енергија при контакт со земја. Колку е поголема масата на авионот, толку се поголеми ударните сили и ризикот од дефект или оштетување. Се зголемува и опасноста од истекување и запалување на горивото – особено ако дојде до грубо слетување, искри или прегреани сопирачки. Дури и најискусниот пилот не може секогаш да ја „измами“ физиката. Турбуленции, ветер, грешка во брзина – и лесно може да се надмине дозволената вертикална сила при удар.
Историјата потрвдува...
Во историјата на авијацијата има многу несреќи кога екипажот бил принуден да слета со полни резервоари. Токму поради овие инциденти, во случај на итност, екипажите се обидуваат да го намалат горивото – или преку кружни летови околу аеродромот, или преку специјален вентил за истурање на гориво (доколку го има авионот). Но, не сите авиони имаат таа опција за брзо истурање на гориво. Помалите патнички авиони, како Boeing 737 и Airbus A320, немаат таков систем – бидејќи разликите меѓу полетната и тежината при слетување се релативно мали.
Следниот пат – не судете брзо!
Големите авиони, како Boeing 777 или Airbus A350, имаат системи за итно испуштање на гориво, со што за неколку десетици минути ја намалуваат тежината на прифатливо ниво. Но, доколку таков вентил нема, единственото решение е да се троши горивото летајќи во круг над аеродромот. Затоа немојте веднаш да осудите ако вашиот лет не слетува веднаш. Кружните летови околу пистата се гаранција за ваша безбедност – животите зависат од оваа едноставна, но суштинска процедура.
