Шимпанзата се однесуваат дрско и трендовски - докажувајќи дека личат на луѓето дури и повеќе отколку што си мислевме
Заборавете на модните писти – шимпанзата во Замбија го воведоа најчудниот тренд ова лето: трева навлечена во уши, а за најдобрите трендсетери – во задникот! Научниците се во чудо – овие мајмуни не само што иновираат, туку и ги поттикнуваат своите групи на ексцентрична „мода“, сè заради внимание и пријателство.
In This Article:
Трева во уши, инспирирана од женката Џули во „Chimfunshi“
Сè почна во 2010 година, кога женката Џули во прифатилиштето за диви животни Chimfunshi почна да става трева во своите уши. Брзо ја следеа и другите мајмуни, а по нејзината смрт во 2013-та, традицијата ја продолжија нејзиниот син и неколку блиски членови од групата. Никој тогаш не можеше да претпостави колку далеку ќе оди креативноста на шимпанзата.
Нов тренд од 2023 година
Во 2023-та година, нова шимпанзо ѕвезда – мажјакот Јума – претстави уште поекстравагантен тренд: трева во задникот, делувајќи како најчудната опашка на светот! За само една недела, целиот негов „клан“ го следеше примерот. Ова нема никаква практична корист – сè е во покажувањето и групната забава.
Науката зад трендовите
Научниците заклучуваат дека овие трендови немаат врска со хигиена или удобност, туку се форма на социјално докажување – нешто слично на инфлуенсер културата кај луѓето. Во заробеништво, кога имаат слободно време, шимпанзата се натпреваруваат во необични однесувања за да го привлечат вниманието и да ја зајакнат групната припадност.
Сличности со луѓето
Во дивина, шимпанзата покажуваат и други „човечки“ навики – некои пијат слабо алкохолни плодови и споделуваат среќни моменти налик на нашите дружења. Студиите сугерираат дека таквите ритуали, преку имитирање, креираат чувство на заедништво и пријателство, едно древно наследство што не’ поврзува со нив повеќе отколку што мислиме.
