Шокантен документ на ЦИА открива: Вонземјани извршиле масакр врз војници во Сибир, откако тие им го срушиле леталото
Декласифициран документ на ЦИА открива неверојатна и застрашувачка приказна за наводен контакт меѓу советска војска и вонземјани, која завршила со претворање на 23 војници во камен. Инцидентот се случил пред околу 35 години во Сибир, кога советски војници собориле неидентификуван летечки објект. Според документот, пет вонземјани излегле од урнатото летало, се споиле во едно суштество, и потоа експлодирале со силна енергетска светлина што ги претворила војниците во нешто слично на варовник.
Првата информација била споделена во 1993 година
Според изворите, само двајца војници преживеале, бидејќи во моментот на експлозијата биле во друго подрачје. Тие сведочеле дека суштествата биле мали, со големи глави и црни очи – опис што одговара на т.н. „Сиви“ – типични вонземјани во уфолошките теории. Информацијата првпат излегла во украинскиот весник Holos Ukrayiny во 1993 година, а документот бил објавен од ЦИА во 2000 година, откако биле прибрани строго доверливи податоци од КГБ по падот на Советскиот Сојуз. Наводниот инцидент се случил за време на воена обука, кога леталото летало тивко и ниско над воената база, по што било соборено со ракета. Она што следело е опишано како „ужасна слика на одмазда“ од страна на вонземјанските суштества. Телата на војниците и остатоците од леталото наводно биле префрлени во тајна лабораторија во близина на Москва.
Сѐ уште не постојат научни објаснувања
Иако сѐ уште не постојат научни објаснувања за ваков тип на трансформација, теоретски е можно високоенергетски бранови или електромагнетни импулси да влијаат на материјата. Сепак, вакви тврдења остануваат во доменот на шпекулација и мистерија, но продолжуваат да предизвикуваат интерес кај љубителите на вонземските теории и тајните владини досиеја.
COMMENTS 