Жени со повеќе од еден маж: Четири земји каде полиандричниот брак е реалност, не мит
Додека полигамијата – кога мажот има повеќе жени – е прифатена низ многу култури и религии, малкумина знаат дека во некои делови од светот постои и обратната појава: полиандрија, кога жената има повеќе од еден сопруг. Оваа практика е ретка, но преживува уште денес во одредени заедници. Ви откриваме во кои држави и зошто жените таму можат да се омажат за повеќе мажи истовремено.
In This Article:
Индија: Полиандрија како традиција кај планинските племиња
Во Индија, полиандријата ја практикуваат неколку племиња и касти, особено во северните рурални региони. Кај Пахарите во областа Џаунсар–Бавар и кај помал дел од жителите на Кинаур, полиандријата е дел од стара традиција што ја сметаат за наследство од нивните предци, Пандевите. Ова го прават и некои племиња на југот, како Тода и некои касти Нер во Траванкор. Често, во сиромашните семејства, ова е начин да не се делат малкуте обработливи земјишта и имотот на повеќе делови.
Кенија: Кога двајца мажи сакаат иста жена – и го делат бракот
Во Кенија, иако законот не ја забранува експлицитно полиандријата, не е широко прифатена. Во август 2013 година, двајца мажи решија заедно да бидат сопрузи на жената што ја сакаат. Овој настан привлече огромно внимание во јавноста. Има случаи и кај Масаи племето, каде вакви бракови се прифатени локално, сепак останува контроверзна и ретка пракса поради традиционалните и верски норми.
Тибет и северна Кина: Кога браќа стануваат сопрузи на една жена
Во Тибет и во северните делови на Кина, чест е фратерналната полиандрија, односно кога двајца или повеќе браќа заедно се женат за една жена. Причината е економска: така не мора да го делат малечкиот семеен имот. Локалната верба вели дека дете може да има неколку татковци, а сите сопрузи имаат еднаков статус во бракот. Ова е начин, најмногу кај сиромашните семејства, да се зачува единството на фамилијарниот капитал.
Непал: Селата каде полиандријата преживува и покрај забраната
Иако полиандријата е забранета со закон во Непал од 1963 година, во планинските региони Хумла, Долпа и Коси локалната традиција е посилна од законите. Цели села живеат во полиандрични бракови, особено кај племињата Боте, Шерпа, Њуви и други во северот и североистокот на државата. За овие заедници, полиандријата значи соработка, заеднички имот и опстанок во суровите услови на Хималаите.
