Жена нападнала момче во авион, удирајќи го со главата во прозорец, откако тоа ја нарекло „дебела“
Патничка во авион е обвинета за злоупотреба на дете откако нападнала момче што ја нарекло „Мис Пиги“ и „дебела“ за време на лет од Дизни Ворлд кон Мериленд, соопшти полицијата. Кристи Крамптон беше уапсена на аеродромот Санфорд-Орландо откако, според полициски извештај, физички нападнала дете пред полетување на летот на Allegiant Air. Сведоци изјавиле дека Крамптон го удрила момчето, му фрлила шише вода и му ја удирала главата од прозорецот на авионот, откако тој ја навредил поради нејзиниот изглед и тежина.
Кулминација на расправијата
Не е јасно каков е односот меѓу жената и детето, но еден сведок кажал дека момчето „не направило ништо лошо“ и дека жената не го дисциплинирала, туку го малтретирала. Полицијата разговарала со извесен Џефри Крамптон, кој потврдил дека детето имало проблеми во однесувањето и на летот и за време на посетата на Дизни. Инцидентот започнал со расправија околу мобилен телефон, откако детето одбило да инсталира Uber апликација, а кулминирал кога го турнало нејзиниот лакт од наслонот за рака.
Случајот е пријавен и во ФБИ
Крамптон им кажала на полицајците дека детето било „многу невоспитано“, по што му го одзела телефонот и почнала да го „тепа“. Според полицијата, нејзиното однесување преминало граници на дисциплинирање и претставувало физичко насилство. Поради инцидентот, пилотот повикал полиција, а Крамптон била приведена на портата и одведена во затворот на округот Семињол. Обвинета е за тешко кривично дело – злоупотреба на дете, а судот ѝ одредил кауција од 10.000 долари и ѝ забранил контакт со детето. Бидејќи инцидентот се случил во авион, случајот е пријавен и до ФБИ, кои најавија сопствена истрага.
