Се запали гнездо во Росоман, спасени мајката и трите штркчиња
Пожарот избувнал од засега непознати причини, но брзата интервенција на пожарникарите од Територијалната противпожарна единица во Кавадарци спречила трагедија. Според очевидци, токму навременото пристигнување на екипата било пресудно птиците да бидат извлечени и згрижени.
Кавадаречките пожарникари стигнале навреме до запаленото гнездо
Во интервенцијата биле спасени мајка штрк и три мали штркчиња. Гнездото во Росоман се запалило, а причините за пожарот се уште не се познати. Како што објави 4news.mk, очевидци потврдиле дека брзата реакција на противпожарната екипа ја спречила несреќата.
„Утре најверојатно ќе им направат ново гнездо“
По спасувањето, за птиците привремено се погрижиле локални жители во Росоман. Од Територијалната противпожарна единица во Кавадарци изјавија: „Откако ги спасивме птиците, добри луѓе ги згрижија во Росоман и, како што ни рекоа, утре најверојатно ќе им направат ново гнездо во кое ќе бидат сместени“. Новото гнездо треба да биде безбедно место каде што семејството штркови ќе продолжи да престојува.