Возач на камион потрошил 21 година создавајќи макета од дрво на Њујорк: „Беше доста напорен процес“
Џо Мекен, американски возач на камион, речиси две децении ја изработувал грандиозната макета од најголемиот град на светот – Њујорк. Користел само балса дрво, лепак и неверојатна психичка истрајност за да создаде сцена која одзема здив – со милион градби, сите пет општини и околни подрачја. Ова не е само модел – туку вистинска љубовна приказна кон Њујорк.
In This Article:
- Макета широка 9 метри и долга 15 метри: Невидена деталност и хипереализам во секој дел од Њујорк
- Генијални техники и евтини материјали: Со школски прибор и умешност до дело вредно за музеј
- Сите слободни моменти посветени на сонот
- Џо сака неговото дело да го видат сите, но макетата е преголема за музеј
Макета широка 9 метри и долга 15 метри: Невидена деталност и хипереализам во секој дел од Њујорк
Мекен започнал со првиот објект во април 2004 година, инспириран од погледот на менхетенската панорама од неговата детска соба. Со текот на годините, ја изработил секоја зграда и облакодер рачно, некои делови – како Менхетен – му одзеле дванаесет години. „Одозгора мојот Централ парк изгледа исто како вистинскиот," вели тој со гордост.
Генијални техники и евтини материјали: Со школски прибор и умешност до дело вредно за музеј
За макетата не користел скапи уреди – само балса дрво, ливчиња, ножеви, лепак и акрилни бои. Во започеток, изработувал градба по градба секоја ноќ. Но, со време, развил техника за масовно обликување, правејќи блокови од стотици куќи од исто парче дрво – што му давало огромна предност кај помалку разноликите квартови.
Сите слободни моменти посветени на сонот
За време на неделата, Мекен вози камион и автобус, а во секој слободен дел од денот гради модели. Понекогаш ги користи и утрата и ноќите за работа на макетата, балансирајќи семејсто и две работи. „Секоја минута слободно време ја посвтив на ова, и така се насобра сè заедно низ годините," признава тој.
Џо сака неговото дело да го видат сите, но макетата е преголема за музеј
Иако илјадници го прославуваат онлајн, и културните институции би ја изложиле ако можат, за сега макетата опстојува во магацин блиску до неговиот дом. Премногу е голема за просто транспортирање и изложување. Но, Џо веќе го планира наредниот проект – минијатурен Минеаполис, кој мисли дека ќе го заврши за „само“ две години.
