„Ајкосот“ ти е 3.000 пати повалкан од даска во јавен тоалет: Вистината за опасните бактерии што ги демнат вашите електронски цигари
Научниците открија шокантни податоци: електронските цигари (кај нас популарно наречени Ајкоси) се 3.000 пати повалкани од просечната даска во јавен тоалетна. Топлиот и влажен амбиент околу устата станува идеална оаза за размножување на бактерии и габи, ако не се чисти редовно. „Секое допирање и вдишување додава нови микроби“, предупредува микробиологот Рејнолд Мпофу од BioLabTests. Вапирањето се смета за побезбедна алтернатива на пушењето, но експертите алармираат дека ризиците за здравјето не се до крај познати.
In This Article:
Делот што се става во устата на вајпот – највалкан дел, со колонии што ги надминуваат сите рекорди
Истражувачите од BioLabTests и онлајн продавницата Haypp анализирале вајп со вкус на јагода, земајќи брисови веднаш по отворањето, и потоа по 24, 48, 72 часа, една и две недели. Веќе по трет ден се појавиле 150.000 колонии бактерии и габи на делот што се става во устата – 3.000 пати повеќе од она што се мери на даска на јавен тоалет! Мпофу вели: „Анализата покажа дека делот што го ставате во устата е највалканиот дел од вајпот, што не изненадува, бидејќи човечката уста содржи околу 700 вида бактерии.“
Присутни опасни бактерии, габи и дури био-филмови
Покрај делот што се става во устата, и телото на вајпот достигнува опасни граници на загадување. Најдени се микроорганизми типични за човечка кожа или околината, како Bacillus (од прашина и воздух), Staphylococcus (од кожа) и дури E. coli (фекални бактерии од тоалети). „Наодите потврдија присуство на Е. coli и Enterococcus, префрлени од неизмити раце или загадени површини,“ додава Мпофу. Вајповите, често држени со раце и поставувани по површини, се идеални за префрлување на микроби.
Редовното чистење единствен спас: Ајкосот треба да се чисти на секои три дена
Експертите советуваат вајпот да се брише секои три дена со крпа натопена во антибактериски раствор или со алкохолни марамици. Маркус Линдблад од Haypp вели: „Повеќето совети велат еднаш неделно, но нашето истражување покажува дека тоа е премногу ретко.“ Ако вајпот има изменливи делови, тие мора индивидуално да се чистат. Чистењето е покритичко дури и од телефонот, бидејќи вајпот оди право во устата.
