Учителка беше прогласена за виновна за заведување ученик откако го одвела дома и му ги покажала своите играчки за возрасни
Асистентка во настава беше прогласена за виновна за заведување и несоодветно однесување со 15-годишен ученик, откако го одвела во својот дом и му ги покажала своите реквизити во спалната соба. Мелани Рок (34) од Британија била осудена од поротата пред Кралскиот суд, откако била прогласена за виновна за злоупотреба на положбата на доверба и сексуално искористување на малолетник.
Контакти од социјални мрежи, скапа облека, брза храна и електронски цигари
Според доказите претставени на судот, Мелани му барала на момчето контакт информации од социјалните мрежи, а потоа го канела на средби. Таа му купувала скапа облека, брза храна и електронски цигари, а потоа го одвела во нејзиниот дом. Во спалната соба, таа му покажала торба со интимни реквизити и долна облека, а потоа го гушнала на нејзиниот кревет во таканаречена „коала прегратка“, обвиткувајќи ги рацете и нозете околу него.
Во ресторан рекла дека 15-годишното момче ѝ е кумашин
Кога еден нејзин колега од училиштето ја забележал во ресторан заедно со момчето, таа излажала дека тој ѝ е кумашин. Откако сфатила дека училиштето започнало истрага, таа панично му испраќала пораки на малолетникот, молејќи го да го избрише нејзиниот контакт: „Те молам, не го споменувај моето име, ќе добијам отказ! Велеј дека си бил на скејт парк!“. Момчето ја блокирало на социјалните мрежи, но не ги избришало пораките, кои подоцна беа целосно извлечени од полицијата како главен доказ. Судењето заврши со осудителна пресуда, а нејзината казна ќе биде официјално соопштена во декември.
