Учениците во САД на работ на образовен колапс: Вештачката интелигенција владее, математиката и читањето на историски минимум. Дали и на Македонија ѝ се заканува истото?
Американските средношколци никогаш немале послаби резултати во математика и читање – токму во времето кога дигиталната револуција и вештачката интелигенција го преобликуваат секој аспект од животот. Официјалните бројки разоткриваат алармантна реалност: младите Американци ја губат базата на клучни знаења токму кога светот од нив очекува повеќе. Дали ги учиме децата правилно да размислуваат, или новите технологии почнуваат да не учат наместо нас?
In This Article:
Просечен пад од 2% за читање и математика меѓу 2019 и 2024 година
Националната проценка за образовен напредок во САД секоја година опфаќа десетици илјади ученици. Според последните податоци, процентот на 12-то одделение кои се покажале како способни за математика и читање паднал за 2% во споредба со 2019 година. Само 35% од учениците се писмени во читање, а дури 22% во математика. Само еден од пет ученици може да изведе заклучок од аргументиран есеј. Околу 60% можат да се ориентираат географски.
Учениците со помалку знаења токму кога општеството бара повеќе
„Учениците ги прават следните чекори во животот со помалку вештини и знаење во основните науки отколку нивните претходници пред една деценија“, предупредува Лесли Мулдун, извршната директорка на одборот што го спроведува тестирањето. „Ова се случува токму кога напредокот во технологијата и општеството бара повеќе од работниците и граѓаните на иднината, а не помалку.“
Вештачката интелигенција, пандемијата и другите фактори
Деканот на Универзитетот Харвард, Мартин Вест, потенцира: „Треба да размислуваме за можни објаснувања што ги надминуваат националните граници“, додавајќи дека сè уште нема „јасен доказ“ за главен виновник како што се паметните телефони или социјалните мрежи. Зголемената стапка на матурирани средношколци може дополнително да ги замагли резултатите. Експертите стравуваат дека AI, алатки како ChatGPT, дури и AI-оценување на задачи, создаваат клима каде учениците ги губат вештините за критичко мислење, а недостатоците во технологијата се пренесуваат на секојдневното учење.
Политичари дебатираат дали е време да се згасне Министерството за образование додека образованието тоне
Министерката за образование Линда Мекмахон заклучи дека историскиот минимум на резултатите е „аргумент повеќе за укинување на Министерството за образование, а не против тоа“. „Претседателот Трамп и јас сме посветени да ја вратиме контролата врз образованието на државите за тие да можат да иновираат“, изјави таа. Но, поранешната министерка Маргарет Спелингс порача: „Ова не е вистинскиот момент за затворање на Министерството. Кога вашата куќа гори, не зборувате за реновирање“.
