Трката за чипирање: OpenAI и Сем Алтман работат на сопствена конкуренција на чиповите Neuralink на Илон Маск
Војната меѓу двајцата технолошки визионери, Сем Алтман и Илон Маск, се сели и на полето на човечкото чипирање. По се изгледа, OpenAI, предводена од Алтман, го планира својот најамбициозен чекор досега – вклучување во развој на мозочно-компјутерски интерфејси и директна конкуренција на Neuralink.
In This Article:
OpenAI вложува милиони во Merge Labs – мозочен старт-ап за вградување чипови
Според Financial Times, OpenAI разгледува голема инвестиција во Merge Labs – стартап што има за цел да ја предизвика доминацијата на Neuralink со вредност од 850 милиони долари. Сем Алтман и Алекс Банја од компанијата World ќе стојат зад основањето, а Алтман, иако ќе биде коосновач, нема да вложи сопствени пари.
План: Поврзување на човечкиот мозок со вештачката интелигенција
Merge Labs има за цел да создаде подобри мозочно-компјутерски интерфејси со напредни АИ технологии, што е и главната цел на Neuralink. Алтман не е случајно заинтересиран – уште во 2017 година тој напиша дека луѓето би можеле да ‘се спојат’ со машините веќе во 2025 година.
Маск против Алтман: Милијарди за иднината на човечкото чипирање
Иако Neuralink, компанијата на Маск, има огромна предност со своја вредност од 9 милијарди долари, ривалството меѓу двата иноватора сè уште е во полн ек. Маск веќе ја тужеше OpenAI поради напуштање на непрофитниот концепт, но сега и двете страни се борат кој прв ќе ја надмине границата што ги дели човекот и машината.
Што значи ова за иднината? Алтман и Маск убедени дека чипирањето е неизбежно
И Алтман и Маск предвидуваат дека суперчовечка АИ, генетско унапредување и мозочни интерфејси се само прашање на време. Дали ни претстои нова ера каде што чипирањето станува секојдневие или се наоѓаме пред непредвидливи предизвици за човечкото достоинство и слобода?
