Топ 10 најдобри градови во светот за 2025 – само два се во Европа!
Њујорк Сити уште еднаш е прогласен за најдобар град во светот, според индексот на глобални градови на Oxford Economics за 2025 година. Ова е втора последователна година во која „Големото јаболко“ ја задржува титулата, во конкуренција од над 1.000 урбани центри ширум светот. Овој индекс се базира на пет главни категории: економија, човечки капитал, квалитет на живот, животна средина и управување.
In This Article:
Економски гигант, но со предизвици
Њујорк го освои првото место со совршени 100 поени во вкупниот резултат и во економската категорија. Тоа се должи на неговиот огромен бруто-домашен производ (БДП), високиот приход по жител и големиот број седишта на светски компании. Сепак, не е се совршено — Њујорк лошо се пласираше во категориите за управување и животна средина, каде што се најде на 168. и 161. место, главно поради ниската економска разновидност и високите трошоци за домување.
Европа и технолошките центри се приближуваат
Лондон го задржа второто место со вкупен резултат од 98.5, благодарение на неговите врвни универзитети, разновидна работна сила и присуството на бројни меѓународни компании. Париз се пласираше на третото место поради големината на својата економија и високиот квалитет на живот. Технолошките центри Сан Хозе и Сиетл го заокружуваат врвот на листата, со извонредни економски показатели и невообичаено висок квалитет на живот.
Топ 10 најдобри градови за 2025 според Oxford Economics:
1. Њујорк, САД – 100 2. Лондон, Велика Британија – 98.5 3. Париз, Франција – 94.4 4. Сан Хозе, Калифорнија, САД – 94.2 5. Сиетл, САД – 91.8 6. Мелбурн, Австралија – 90.7 7. Сиднеј, Австралија – 90.6 8. Бостон, САД – 90.3 9. Токио, Јапонија – 90.3 10. Сан Франциско, САД – 90.3 Овој индекс покажува дека иако економската моќ е клучна, квалитетот на живот, едукацијата и доброто управување играат голема улога во рангирањето на светските градови.
