Тесла инженер си заминува и ја разоткрива суровата вистина за Илон Маск
По осум години посветена работа, високиот инженер Џорџио Балестриери го напушти Тесла и јавно го обвини својот шеф, Илон Маск, за предавство на мисијата за зелена енергија и за уништување на довербата во демократските институции низ неколку земји. Преку гневна и искрена објава, Балестриери ја изнесе својата болка и разочарување од раководството што некогаш ветуваше револуција во енергетиката.
In This Article:
- „Илон направи огромна штета на мисијата на Тесла и ја компромитираше својата визија“
- Тесла со платформа за зелена енергија, но Маск повеќе не се бори за одржлива иднина
- Трамп и Маск: Од ветување за зелена револуција до отворена борба против науката за климата
- Балестриери: Визијата за одржлива енергија и идна неизвесност на Тесла
„Илон направи огромна штета на мисијата на Тесла и ја компромитираше својата визија“
„Морам да ја адресирам слонот во собата: главната причина што заминувам е што мислам дека Илон направи огромна штета на мисијата на Тесла (и на здравјето на демократските институции во неколку држави). Понатаму, неговото раководство и одлуки се сериозно компромитирани“, напиша Џорџио Балестриери во својата објава на LinkedIn.
Тесла со платформа за зелена енергија, но Маск повеќе не се бори за одржлива иднина
Балестриериработеше на Автобидер, платформа што им овозможува на луѓето и бизнисите да заработуваат од батерии наполнети со обновлива енергија. Тој изјави дека системите за складирање енергија се клучни за работа на нискојаглеродни енергетски мрежи, но веќе не верува дека Маск вистински ја поддржува таа транзиција: „Ова не е само политика: се работи за лажење на јавноста, манипулација со дискурсот, таргетирање на малцинства и поддршка на климатски скептици и нафтено-гасна индустрија.“
Трамп и Маск: Од ветување за зелена револуција до отворена борба против науката за климата
Маск ја изгради својата репутација како борец за зелена иднина, но сојузот со Доналд Трамп го промени сето тоа. Трамп ги укина заштитите за животната средина, издаде наредби за зголемување на производството на јаглен и нафта, како и повлекување од Парискиот договор за климата. Државното финансирање за климата се замрзнува, а од владините сајтови се чистат од секакви докази за климатски промени. Маск, некогаш јавно против ваквата политика, денес останува без став, фокусиран на обвинувања против владата и на лични испади.
Балестриери: Визијата за одржлива енергија и идна неизвесност на Тесла
„Со огромниот, а неразбирливо растечки удел на Маск во Тесла, не можам веќе да се убедам себеси дека ова е вистинското место за мене,“ вели Балестриери, размислувајќи за планот Тесла да му додели мигријарда долари во акции на Маск. Тој сепак им посакува успех на пријателите и колегите што ќе продолжат да се борат за одржлива енергетска транзиција, но јасно е дека духот кој некогаш инспирираше илјадници инженери веќе избледува во чадот полн со стакленички гасови.
