Интересен факт од животот на легендарниот Ози Озборн: Се забил со Ферари откако добил возачка — по 19-ти обид!
Во вторник наутро, светот изгуби една незаменлива икона. Ози Озборн, легендарниот фронтмен на Black Sabbath, почина на 76-годишна возраст. Пред само неколку месеци настапи на последниот хуманитарен концерт на бендот во Бирмингем, каде беа собрани речиси 190 милиони долари за детска болница и истражување на Паркинсоновата болест – дијагноза со која се соочи во 2019 година. Последните години од животот ги помина борејќи се со болеста и уживајќи во времето со своите внуци.
In This Article:
Семејството со скршено срце: „Ози замина опкружен со љубов“
„Со повеќе тага отколку што зборови може да опишат, објавуваме дека нашиот сакан Ози Озборн почина утрово. Беше опкружен со семејството и љубов. Ве молиме за приватност“, изјавија неговата сопруга Шерон и децата Џек, Кели, Аими и Луис. По повеќе од пет децении на сцената, Ози ја напушти музиката со истата енергија со која ја живееше – но последните години ги посвети на семејството..
19 обиди до возачка: „Положив на 60 – и никогаш повеќе не возев!“
Верувале или не, Озборн ја доби возачката дозвола дури во 2009 година, на 60-годишна возраст – и тоа по 19 неуспешни обиди. Во неколку интервјуа призна дека на дел од тестовите бил под дејство на алкохол и дроги, од нервоза. Кога конечно положи, изјави дека американскиот возачки тест бил „шега“. Но, тоа не траеше долго...
Судир со реалноста – и со Ферарито: Крај на возачката кариера
Во 2010 година, само неколку месеци по добивањето на дозволата, Ози удрил друго возило на автопат во Лос Анџелес, возејќи Ferrari 458 Italia со само 30 километри на час. Синот Џек подоцна го нарече тоа „мало чукнување“, но за Ози последиците биле сериозни: сфатил дека како јавна личност не може да си дозволи ризици од судски тужби. Оттогаш, засекогаш се откажал од возење.
