Тајландските монаси веќе нема да смеат да „гатаат“ за среќните броеви во лотарија - а, демек досега го правеа тоа?!
Најновата забрана за монасите во Тајланд означува крај на ерата на „лотериските пророштва“ во храмовите, откако скандалите го разнишаа угледот на монаштвото и ја разочараа јавноста која традиционално бара духови и среќа во броеви.
In This Article:
Врховниот Совет официјално им забрани на монасите да гатаат за лотариски добивки
На 16 септември 2025 година, Врховниот совет на Сангха во Тајланд ги потврди строгите правила од 1955 година – монасите повеќе не смеат да даваат „среќни броеви“ или лотариски совети. Причината: се зголемува бројот на случаи кога дури и високи свештеници се претставуваат како гатачи, наведувајќи ги будистите од патот на Дхарма.
Лотаријата – национална страст со милионски награди, но разочарување кај верниците
Во Тајланд, каде 95% од населението се будисти Тхеравада, лотаријата е масовна треска – со премии до 30 милиони бати. Верниците долго време се надеваа дека монасите ќе им дадат „среќен број“ – но, кога не добиваат, разочарувањето не е само во броевите, туку и во верата. „Ова е спротивно на Дхарма“, изјави портпарол на Сангха, предупредувајќи на отповикување и загуба на титули за оние кои ги прекршуваат забраните.
Скандали и украдени милиони
Летото 2025 година полицијата откри криминална шема: познатата Мис Голф тајно снимала интимни средби со монаси и потоа ги изнудувала, прибирајќи 385 милиони бати – најчесто од донациите на верниците. Во 2022 во Пхетчабун бea уапсени монаси за трговија со забранети супстанции; претходно имало кражби на храмови во милионски износи. 70% Тајландци според анкетите, веќе не веруваат во духовна чистота – главната причина е слабата етичка едукација и зависноста од донации, што создава корупција.
Кралот и експертите бараат реформи
Кралот Вачиралонгкорн го стопираше унапредувањето на 81 монах, а властите разгледуваат построги казни за корупција. Експерти, како Пракирати Сатасута од Универзитетот Тамасат, повикуваат на поголема транспарентност и силна етичка обука во храмовите. За мнозинството Тајландци, чистотата на Сангха не е само прашање на вера, туку и на национален идентитет – како што учи Буда: вистинската среќа е во самодисциплината, не во барањето „среќни броеви“ од монаси.
