Интелигенцијата на вашите црева: Како телото само може да го контролира апетитот и тежината, без лекови и несакани ефекти?
Научниците од Универзитетот Дјук во САД открија дека нашите црева имаат сопствен природен „Оземпик“ — систем кој што може да го намали апетитот и да овозможи слабеење без ризикот од опасни несакани ефекти што ги носат популарните апчиња за слабеење.
In This Article:
Бактерии во дебелото црево испраќаат порака до мозокот: „Доста е, сити сме!“
Истражувањето покажа дека специјални бактерии и клетки во дебелото црево можат да испраќаат сигнали до мозокот и да го контролираат апетитот. Бактеријата наречена флагела ослободува протеин – флагелин – кој го поттикнува производството на хормонот PYY. Кога телото ќе се насити, PYY ја активира „невробиотичката врска“ – директен канал меѓу цревата и нервниот систем, кој на мозокот му кажува да престане со јадење и така го штити организмот од прекумерно внесување калории.
Кога овој природен систем се расипува?
Научниците забележале дека кога бактеријалниот сигнален систем е нарушен, луѓето консумираат значително повеќе храна и побрзо се дебелеат. Клучен дел од системот се рецепторите TLR5 и хормонот PYY – без нивното функционирање, телото не го препознава чувството на ситост и не престануваме да јадеме навреме.
Наспроти опасните апчиња: Активирање на природниот систем преку правилна исхрана, пребиотици и пробиотици
Новите сознанија на научниците отвораат надеж дека со манипулација на бактериите во цревата (преку здрава исхрана, пребиотици и пробиотици) може природно да се поттикне оваа „стоп-сигнал“ функција, како замена за лековите GLP-1 (Оземпик, Мунџаро) кои носат сериозни несакани ефекти - вклучително оштетување на црниот дроб, бубрезите и тироидната жлезда.
Науката ја открива смислата на цревата
Овој систем функционира како останатите чула – вид, слух, мирис, вкус и допир – но, дејствува од неочекувано место: од цревата. „Голем дел од нашето однесување можеби е диктирано од микробите во нас“, истакнува доц. Диего Бохоркез. Овој пробив дава надеж дека со разбирање и унапредување на овој природен механизам, ќе се отвори нов пат за борбата со дебелеењето – природно, без стрес и опасни лекови.
