„Ставив толку многу филери за усни што имам проблеми со дишењето и не можам да ја затворам устата... но немам намера да престанам“
25-годишната трансродова жена Виена Вирстел од Мајорка, Шпанија, има потрошено околу 175.000 долари на естетски корекции, од кои 50.000 само на филери за усни. И покрај здравствените проблеми – отежнато дишење, затнат нос и неможност да ја затвори устата – таа нема намера да престане со естетските зафати.
Прави корекции на секои 2 до 4 недели
Првиот филер го ставила на 18 години, а оттогаш редовно ја зголемува големината на усните на секои 2 до 4 недели, дури и патува до Франкфурт за „најдобриот доктор за екстремни усни“. Иако добива бројни негативни коментари на социјалните мрежи, Виена вели дека тоа е резултат на љубомора и проекција.
Поголемо е секогаш подобро?
Таа признава дека има болки во грлото и чувствителни непца, но не жали: „Ги обожавам моите усни, сè е вредно за убавината.“ Виена планира да достигне 200cc филери и наскоро да направи и операција на носот и т.н. cat-eye lift. За себе вели: „Опседната сум. За мене важи мотото: поголемо е секогаш подобро.“
