Сопственик на ресторан во шок: „Жена влегла во мојот ресторан и украла мијалник од тоалетот - си го ставила во чантата и си излегла“
Сопственик на ресторан останал вчудоневиден кога открил дека жена влегла во неговиот локал – и излегла со скап мијалник што го украла од тоалетот за гости. Роберт Мелман (72), кој веќе 25 години е во угостителскиот бизнис во Англија, вели дека видел многу работи, но оваа кражба го изненадила. Персоналот му испратил фотографија на исчезнатиот мијалник вреден околу 190 долари. По проверката на безбедносните снимки од 20 февруари, забележал жена која влегува во тоалетот со празна голема црна торба. Десет минути подоцна, ја напушта просторијата со истата торба, но значително пополна.
„Сум видел многу кражби, но ова...“
„Сум видел многу кражби – ножеви, вилушки, чаши, дури и шишиња вино. Но ова… Барем добро е што не ѝ требаше тоалетот, инаку можеби и него ќе го земеше“, вели Мелман. Мијалникот и цевките биле целосно извадени. Тој се сомнева дека жената можеби претходно го проучила распоредот пред да се врати и да ја изврши кражбата. На снимката, жената дури застанува покрај бифето на излегување, но не зема ништо. Иако неодамна бил ограбен кога му бил украден електричен велосипед од 3.800 долари, кој полицијата го пронашла и крадецот бил осуден, овој пат Мелман решил да не го пријави случајот, сметајќи дека полицијата има поважни работи.
