Измамниците сега се возат со лажни мобилни кули што праќаат по 100.000 СМС пораки на час. Што значи тоа за нашата безбедност?
Веќе не се работи само за досадни пораки или класичен фишинг. Сетете се на ова: додека шетате по улица или возите низ градот, некој во вашата близина може да користи „СМС бластер“ – мобилен уред што имитира вистинска мобилна станица и на вашите телефони испраќа илјадници потенцијално опасни пораки – секој час!
In This Article:
- Во Тајланд забележана машина што испраќа речиси милион пораки за неколку часа
- Технологијата не е нова, но мафијата сега ја користи масовно – не ти треба хакер да те таргетира, туку само некој платен за да вози!
- Твојот телефон не може да избега: Бластерот глуми 4G, те спушта на 2G – и за 10 секунди добиваш малициозен СМС
- Од Азија, преку Европа па сѐ до Јужна Америка: Веќе се уапсени измамници во Лондон што испраќале илјадници пораки за една недела
Во Тајланд забележана машина што испраќа речиси милион пораки за неколку часа
Овие уреди, најчесто монтирани во автомобили или комбиња, истовремено имитираат мобилна базна станица и мамат телефони да се поврзат со нив низ радиус од 500 до 2000 метри. Само еден таков уред, според извештај на полицијата од Тајланд, може да испрати 100.000 пораки на час, достигнувајќи скоро милион пораки за кратко време. Криминалците буквално се движат низ градови, преплавувајќи ги корисниците со опасни линкови.
Технологијата не е нова, но мафијата сега ја користи масовно – не ти треба хакер да те таргетира, туку само некој платен за да вози!
Како што објаснува Катал Мек Дејд од компанијата Enea: „Ова е првпат да гледаме голема употреба на мобилни радио-предаватели од криминални групи“. Најстрашно е што за ова не треба техничко познавање – има случаи веќе со лица фатени што едноставно возеле и активирале уред, за кој биле платени само да кружат низ одредени реони.
Твојот телефон не може да избега: Бластерот глуми 4G, те спушта на 2G – и за 10 секунди добиваш малициозен СМС
Овој „бластер“ прво ја лови твојата SIM картичка преку лажен 4G сигнал, а потоа свесно ја спушта кон помалку сигурен 2G протокол. „Фалсификуваната базна станица на 2G потоа испраќа злонамерни СМС пораки до сите телефони што ги снимила преку 4G. Целата постапка – фаќање на 4G, спуштање на 2G, испраќање на порака и отпуштање – трае помалку од 10 секунди“, објаснува Мек Дејд. Мобилните оператори не можат да го детектираат или спречат ова – тие уреди работат „во сенка“.
Од Азија, преку Европа па сѐ до Јужна Америка: Веќе се уапсени измамници во Лондон што испраќале илјадници пораки за една недела
Кога мобилните оператори како Globe на Филипините ги забранија СМС-пораките со линкови, измамниците најдоа нов начин и ги пренесоа „СМС бластерите“ и во Велика Британија, Западна Европа и Јужна Америка. Саманта Кејт од GSMA потврдува дека полицијата во Лондон фатила возач кој цела недела се движел низ градот и испраќал илјадници сомнителни пораки. Единственото нешто што не се менува: измамниците секогаш се надеваат дека ќе кликнете на линкот во пораката – бидете внимателни!
