Скандал во Холивуд: Докторот на Метју Пери осуден на затвор по трагичната смрт од кетамин
Докторот кој го лекувал славниот актер Метју Пери е осуден на две и пол години затвор, откако претходно призна вина за снабдување на актерот со дроги. Пери почина од „акутни ефекти на кетамин“ на 54 години, откако беше пронајден без свест во џакузи во неговиот дом во Лос Анџелес на 28 октомври 2023 година. Судот во Лос Анџелес беше сведок на исклучително емотивни сцени, кога родителите на Метју ја опишаа болката и гневот за смртта на нивниот син.
In This Article:
Докторот Салвадор Пласенсиа призна дека му давал кетамин на Пери во месеците пред смртта
Докторот Салвадор Пласенсиа беше обвинет во врска со смртта на ѕвездата од „Пријатели“ и на 23 јули призна вина за четири дела снабдување со кетамин. Во текот на септември и октомври 2023 година тој му давал супстанции на Пери, јавува Миро УС. За време на сослушувањето, на прашање од судијата дали неговиот правен тим ги разгледал сите можни последици, Пласенсиа кратко одговори: „Разгледале сé.“
Адвокатката на докторот: „Тој длабоко жали за своите одлуки, ја прифаќа одговорноста“
Адвокатката на докторот, Карен Голдстин, изјави: „Доктор Пласенсиа длабоко жали за одлуките што ги донел додека му давал кетамин на Метју Пери. Тој целосно ја прифаќа одговорноста, признавајќи вина за дистрибуција на дрога.“
Мајката и очувот на Пери го нарекоа докторот „чакал“ кои се хранелесо неговата ранливост пред смртта
Мајката на Пери, Сузан, и неговиот очув Кит Морисон, изјавија пред судот во Лос Анџелес: „Верувам дека човекот кој денеска ќе го осудите е меѓу највиновните од сите. Тешко ми е да ја разберам неговата вина. Еве човек кој студирал со години, се борел да стане доктор. Зошто станува човек доктор? За да ги лечи болните, да спасува животи. Најсветата заклетва што некогаш ја дал е Хипократовата заклетва... Прво, да не наштети.“ Во нивната потресна изјава, поднесена како дел од извештајот за жртвата, родителите велат: „Овој доктор се реши да ги погази своите најважни ветувања, повеќепати, тајно се среќавајќи со својата жртва во ноќта. За што? За неколку илјади долари? За да се храни со ранливоста на нашиот син... и дури да се пофали, прашувајќи: 'Ме интересира колку ќе плати овој морон. Да видиме.'“
