Сѐ повеќе станува актуелно купувањето ЛАЖНИ ултразвуци - „татковците“ најчеста мета на измами
Замислете некој да купи фотографија од туѓо неродено дете – ви звучи бизарно? Токму такви фотографии до неодамна слободно се продаваа на големата јапонска онлајн платформа Mercari. Сепак, по бројни реакции, Mercari забрани продажба на ултразвук снимки и фотографии од позитивни тестови за бременост, заклучувајќи дека тие можат да бидат злоупотребени за измами и уцени.
In This Article:
- Злоупотреби и измами
- Измамата „ninshin sagi“: Жените лажно се претставуваат како бремени со цел да изнудат пари од мажи
- Објавувањето фотографии од бременост може да го изложи вашето дете на кражба на идентитет, дигитална киднапирање и други опасности
- Од утроба до интернет: Кој профитира од продавање и споделување фотографии од бебиња?
Злоупотреби и измами
Платформата Mercari ја донесе забраната откако корисници на социјалните мрежи забележаа огласи за продажба на фотографии со резултати од бременост и снимки од ултразвук. „Зошто вакви работи воопшто се продаваат?", праша загрижен корисник, а други коментираа дека снимките се користат за закани или уцени: „Како ‘Јас сум бремена со твоето дете’, сфаќате што сакам да кажам.“ Други предупредуваа дека може да бидат злоупотребени и при разводи или за измами со пари.
Измамата „ninshin sagi“: Жените лажно се претставуваат како бремени со цел да изнудат пари од мажи
На Редит, се појави и поимот „ninshin sagi“, што во Јапонија значи „измама со бременост“, односно жена која лажно глуми бременост за да извлече пари од мажот со кого имала контакт. Корисниците беа едногласни: фотографиите се купуваат главно за такви измами и нема никаква друга емпатична причина. На 1 септември, Mercari официјално ги забрани овие огласи.
Објавувањето фотографии од бременост може да го изложи вашето дете на кражба на идентитет, дигитална киднапирање и други опасности
Минатогодишен извештај покажа: Невиниот чин на објавување фотографии од труднички стомак или ултразвук може да ги изложи децата на ризик уште пред да се родат. „Дури и кога родителите споделуваат информации за бременоста, тие откриваат идентификациски податоци и на тој начин создаваат дигитален идентитет за нероденото дете“, вели истражувачката Валеска Берг. Од Австралија предупредуваат и за дигитални киднапери – луѓе што земаат фотографии на туѓи бебиња од интернет и ги претставуваат како свои.
Од утроба до интернет: Кој профитира од продавање и споделување фотографии од бебиња?
Стручњаците предупредуваат: Креирањето дигитален идентитет за детето започнува со секоја споделена фотографија, а тоа носи ризик од кражба и злоупотреба. Споделувањето најинтимни моменти може да се претвори во средство за измами, уцени и експлоатации. Од привлечна фотка за спомен, до алатка за уцена и изнудување, само еден чекор ги дели наивните родители од криминалците.
