Експертите ја откриваат загрижувачката причина на феноменот „џиновски бебиња“ - зошто новороденчињата изгледаат како да имаат 2 години?
На социјалните мрежи, особено на ТикТок, се појави нов тренд: #BigBaby. Родителите гордо ги покажуваат своите бебиња со огромни димензии, а видеата собираат милиони прегледи. Мајки објавуваат фотографии од нивните деца кои достигнуваат големина на едногодишни бебиња уште на неколку месеци старост, инспирирајќи восхит, но и загриженост и дебати за здравјето.
In This Article:
Бројките се алармантни, дел од нив тежат над 10 килограми
Мајки од целиот свет се пофалија со параметрите на своите деца: четиримесечниот Ганер од Оклахома е долг 76 сантиметри и тежок 10 килограми, шестмесечната Џиана од Австралија е тешка 16 килограми, додека некои деца уште по раѓањето тежат дури 6 килограми. Некои од мајките, како Мејси Муге, се соочија со критики и обвинувања за злоупотреба, иако тврдат дека нивните бебиња се сосема здрави.
Лекарите предупредуваат
Стручњаците предупредуваат на опасностите од раѓање толку големи бебиња, состојба позната како макрозомија, кога новороденчето тежи повеќе од 4 кг. Проф. Димитриос Сиасакос од Универзитетскиот колеџ во Лондон вели: „Според старите табели, околу 10% од децата би требало да се родат со макрозомија, но реалноста е далеку поголема“. Проблемот најчесто го предизвикуваат дебелината кај родителите и гестацискиот дијабет, кој често останува незабележан дури и кај жени со нормална тежина.
Ризици за мајките и децата: подолги породувања, царски рез, опасност од асфиксија и трајни проблеми со здравјето во иднина
Кај крупните бебиња пораснува ризикот за компликации: честа е потребата од царски рез, можно е заглавување на рамената при пораѓање, повреди на нерви, па дури и асфиксија и трајно оштетување на мозокот. Тие деца имаат поголем ризик да развијат дијабет или хипертензија подоцна во животот. Мајките кои раѓаат такви бебиња имаат четирикратно поголем ризик и самите да заболат од дијабет подоцна.
Макрозомијата може да се спречи
Најдобрата превенција за гестацискиот дијабет и раѓањето на крупни бебиња е урамнотежена исхрана и редовна физичка активност. Симптомите на гестациски дијабет – замор, прекумерна жед и честото мокрење – не треба да се игнорираат ниту кај жените што се со нормална тежина. Докторите апелираат сите жени да бидат посветени на здрав начин на живот и да бараат медицинска помош при првите знаци на проблем.
