Роден слеп, напуштен од семејството и турнат во езеро – денес, инженер за авиони во Америка
Роден слеп и напуштен на улиците на Кина, Веј Мин Патрик открил нов живот откако бил посвоен од американско семејство. Подоцна се стекнал со дипломи по пијано и инженерство, на крајот градејќи кариера како инженер за авиони. Патрик, кој сега живее во Алабама, неодамна ја сподели својата приказна на социјалните мрежи, откривајќи како неговиот биолошки дедо се обидел да го напушти три пати, вклучувајќи го и последниот случај кога бил турнат во езеро пред да биде спасен и однесен во сиропиталиште. Во видео, Патрик објасни дека е роден со конгенитална дегенерација на мрежницата во сиромашно село во покраината Гуангкси во јужна Кина.
Детали за страшното детство
Неговиот татко починал кога имал пет години, а кратко потоа, неговата мајка исчезнала, оставајќи го на грижа на неговите баба и дедо и постарата сестра. Неговиот дедо се борел со алкохолизам, додека неговата баба го запоставувала, оставајќи го често гладен. Патрик, чија возраст не е откриена, се сеќава дека неговата сестра му била единствениот извор на топлина, иако живеела далеку. На седумгодишна возраст бил сместен во сиропиталиште, каде постепено го изгубил видот целосно. Таму се запознал со професорка по англиски јазик која длабоко ќе му го промени животот.
Животот имал други планови за Патрик
Копнеејќи по четири деца, американската учителка веднаш го препознала како детето што го барала. Подоцна го посвоила, го довела во САД кога имал 10 години и го одгледала заедно со своите три биолошки деца. Патрик забележал дека неговата мајка-посвоител никогаш не го сметала за различен, туку се однесувала кон него како кон рамноправен на другите деца. Таа го научила на независност, ги делела домашните обврски и ги школувала сите свои деца дома јазик, историја и математика. Денес, тој работи како инженер во Ербас, еден од водечките производители на авиони во светот, но сепак се стреми еден ден да се приклучи на НАСА. Во објава на социјалните мрежи, тој изјави: „Засекогаш ќе ѝ бидам благодарен на мајка ми. Без неа, не би бил тоа што сум денес“.
