„Роден сум без палци - на луѓето не им се верува што се можам да направам без нив“
Замислете да се родите без најважните прсти на рацете, но сепак да ги правите сите секојдневни задачи, па дури и повеќе од тоа. Кјао Алберс има само осум прсти, но стана инспирација за илјадници луѓе благодарение на својата уникатна сила и став кон животот.
In This Article:
Кјао Алберс: Палците се само опција, не нужност
„Јас сум жив доказ дека палците се опционални“, вели 26-годишниот Кјао Алберс. Роден е во Кина, а на само четири месеци бил посвоен во Холандија. Таму никогаш не почувствувал дека му е вистински дом. Детството без палци му донело несигурност, но патувањата низ Европа му помогнале да ја врати својата самодоверба.
Од „недостаток“ направи супермоќ
Кјао денес ги изненадува своите илјадници следбеници на TikTok, каде покажува како без протези или адаптации прави работи што многумина со 10 прсти не можат. Завртува шише вода и со леснотија ја става целата рака во Pringles „цевка“ — нешто што ретко кој друг успева. Се шегува дека само не може да стопира автостоп.
Хумор како штит: „Не жалете ме, имам 20% попуст на маникир“
Во едно видео со девојката, Кјао им порачува на гледачите: „Не треба да ме сожалувате мене. Можам да се ослободам од лисици и имам 20% попуст на маникир“. Коментарите се преполни со восхит — од завист за уникатните трикови до шеги: „Љубоморен сум на твојот Pringles трик“.
Ако ми понудат палци, не би ги прифатил
Иако понекогаш му е тешко, како кога одврзува машна од поклон, Кјао вели дека не би сменил ништо: „Ако утре се разбудам со палци, нема да ги задржам. Дваесет и шест години живеам вака, не би сакал пак да учам да живеам одново“. За него, да се биде без палци е дел од идентитетот и причина плус да биде горд на себе.
