Ријана ја избра трансродовата ќерка на Илон Маск, Вивијан, за експлозивната кампања за долна облека за Валентајн
Ријана ја ангажираше трансродовата ќерка на Илон Маск, Вивијан Вилсон, за најновата кампања за Денот на вљубените на Savage x Fenty. 21-годишната ѕвезда, која е во затегнати односи со татко си, ги прикажа најновите модели од колекцијата „Love So Savage: A Modern Ode to Aphrodite“ и испрати моќни пораки за прифаќање и слобода на идентиетот. Кампањата ги освојува со храбрите избори и емотивните приказни на моделите.
Вивијан Вилсон блеска во секторот за долна облека со две нови колекции и впечатливи пораки за телесната самоусвест
Вивијан Вилсон позира во розов балконет градник со цветен дезен и чипкана мини сукња за Savage x Fenty, дополнето со црвени чорапи и златни обетки. Во кампањата се појавува заедно со Лови Симоне и Ема Арлета пред статуи од мермер, додека носи и темно црвен кармин. Таа минатата година дебитира како модел, најпрво на насловната на Teen Vogue, а потоа и со брендот Wildfang, како и Tomboyx. „Страшно ми беше“, изјави таа за Vanity Fair за својата прва фотосесија. „Пред тоа никогаш не покажував кожа, па дури ни на плажа со пријатели не носев костим за капење. Но сакав да се докажам себеси дека можам да имам повеќе самодоверба во моето тело.“
Во сенка на славата и семејните релации – Вивијан расте јавно и без компромис на својот идентитет и говори за односот со Илон Маск
Вивијан е најстарата ќерка на Маск и неговата поранешна сопруга Џастин. На 16 години јавно излезе како трансродова личност, а две години подоцна побара да се симне презимето Маск поради оддалеченоста со својот татко. Во интервју за Teen Vogue, таа отворено рече: „Не ми е гајле за него. Навистина не ми е. Ме нервира што луѓето ме поврзуваат со него. Веќе немам простор да се грижам за тоа.“ Вивијан опишува дека не ѝ е лесно да биде славна личност: „Се борев долго да ме гледаат како нормална личност. Имаше момент кога никој не знаеше која сум – тоа беше одлично. Сега ми недостига тоа, но од друга страна ми се допаѓа и славата.“ Вивијан има 1 милион следбеници на Инстаграм, каде што споделува делови од моделската кариера и случувања од модниот свет.
