Револтирани родители во Мелбурн: Протестираат против укинување на машки и женски тоалети во основно училиште за деца од 6 години
Група од околу 40 родители бараат интервенција од властите откако основното училиште кое го посетуваат нивните деца предложи изградба на нов блок со „унисекс“ тоалети. Камбервел основното училиште, во внатрешен дел од Мелбурн, донесе одлука за проект кој предвидува унисекс тоалети за учениците од второ до четврто одделение, односно за деца од шестгодишна возраст. Школото доби 9,7 милиони австралиски долари од државниот буџет за 2024-2025 за реконструкција на главната зграда и тоалетите, а градежните работи ќе започнат во јули.
In This Article:
- Родителите предупредуваат: Унисекс тоалетите носат ризик за безбедноста и приватноста на девојчињата
- Главната грижа: Родителите бараат избор – унисекс, машки и женски тоалети за сите
- Раковдството одбива консултација: Родителите бараат да се праша заедницата, но училиштето одбива
- Властите тврдат: Училиштата немаат обврска по род, родителите загрижени – единствените родово одделени тоалети се оддалечени 50 метри во друг блок
- Јавноста чека одговор: Камбервел сеуште нема официјален став, а дебатата за унисекс тоалетите продолжува
Родителите предупредуваат: Унисекс тоалетите носат ризик за безбедноста и приватноста на девојчињата
До 40 родители изразија противење кон планот за унисекс тоалети, тврдејќи дека ваквите простории се ризични за безбедноста и приватноста на помладите девојчиња во училиштето. Кристина Вудс, мајка на две деца и гласноговорник на родителската група, вели дека три години се борат против овој проект. Таа објаснува дека родителите не биле јасно информирани ниту консултирани дали се согласуваат со тоа во зградата да има исклучиво унисекс тоалети. „Длабоко сме загрижени што училиштето ги одобрило градежните планови и целосно ја скрило од родителската заедница оваа намера – особено исклучувањето на тоалети за еден пол,“ изјави Вудс за Sky News. „Родителите немаа поим што се случува и кои одлуки се носат за нивните деца зад затворени врати.“
Главната грижа: Родителите бараат избор – унисекс, машки и женски тоалети за сите
Кристина Вудс појаснува дека најголемата загриженост е за заштитата, приватноста и достоинството на девојчињата на училиштето. Таа смета дека ризикот од инциденти е голем и дека „никогаш не е добра идеја“ да се мешаат деца во интимен простор. Групата родители не се против унисекс тоалети, но инсистираат децата во училиштето да имаат избор помеѓу машки, женски и унисекс тоалети. Учениците дури почнале и сопствени рачно напишани петиции за ова прашање. По анкетата со учениците од второ, трето и четврто одделение, мнозинството изразиле желба да има и тоалети за еден пол во главната зграда. „Вистинската инклузија значи да се обезбедат простори што ги прават СИТЕ деца комфорни. Игнорирањето на нивните потреби е прекршување на довербата и грижата,“ потенцира Вудс.
Раковдството одбива консултација: Родителите бараат да се праша заедницата, но училиштето одбива
Родителите побарале училиштето директно да ја консултира заедницата, но директорката Јанет Гејл и училишниот совет го одбиле ова. Се смета дека директорката Гејл им појаснила на родителите дека унисекс тоалетите се дел од заложбите за „посигурни и поинклузивни простории“ што одговара на законските обврски против дискриминација во Австралија.
Властите тврдат: Училиштата немаат обврска по род, родителите загрижени – единствените родово одделени тоалети се оддалечени 50 метри во друг блок
Министерот за образование во Викторија, Бен Карол, одговори на барањето на Кристина Вудс дека одлуката за унисекс тоалети е на раководството: „Ви потврдувам дека Викторија има силен и жив образовен систем кој ја слави различноста и е посветен на поддршка на сите ученици.“ Од Одделението за образование за Daily Mail Australia истакнаа: „Учениците во Камбервел имаат избор да користат или унисекс или родово одделени тоалети во училиштето.“ „Плановите за новата зграда и дизајнот на тоалетите се развиени со заедницата и одобрени од училишниот совет, пред да почнат работите во јули 2025.“ Сепак, родителите тврдат дека единствените родови одделени тоалети се најмалку 50 метри оддалечени, во делот на училиштето за повозрасните ученици.
Јавноста чека одговор: Камбервел сеуште нема официјален став, а дебатата за унисекс тоалетите продолжува
Редакцијата на Daily Mail Australia контактираше со Камбервел основното училиште за официјална изјава, но засега одговор нема. Дебатата за (не)достапноста и (не)безбедноста на унисекс тоалетите во училиштата продолжува да го бранува австралиското општество.
