Престанав да се будам со замаглени прозорци и мувла со еден евтин трик ставам обична сол на прозорската даска
Студените зимски утра сами по себе се доволно непријатни. Но, кога денот почнува со целосно замаглени прозорци и капки вода што се слеваат по стаклата, проблемот веќе не е само непријатност. Ако не се реагира навреме, таа кондензација многу брзо може да се претвори во сериозен кошмар за секој дом.
In This Article:
Капките на стаклото стануваат плодна почва за црна мувла
Кондензацијата се јавува кога топлиот воздух во просторијата, заситен со влага, ќе удри во ледено студените површини на стаклото. Тогаш водената пареа моментално се претвора во капки. На прв поглед, малку вода на прозорците можеби не изгледа како страшен проблем. Но, постојаната влага создава совршени услови за развој на црна мувла, чии спори се шират низ воздухот и можат да предизвикаат кашлица, алергии и респираторни проблеми. „Живеам во стара куќа и пред неколку зими мувлата прво се појави на аглите од прозорецот, а потоа со неверојатна брзина се прошири на целиот околен ѕид во спалната соба. Ми требаа месеци мачна борба за целосно да ја исчистам. Оттогаш, штом залади наесен, веднаш ја решавам кондензацијата уште пред да се појави — а сè што користам е малку обична сол“, споделува авторката Кетрин Мекфилипс за весникот „Мирор“.
Мал сад со сол работи како природен одвлажнувач на прозорецот
Солта можеби изгледа како необично или премногу едноставно решение, но таа е еден од најмоќните природни апсорбери на влага на планетата. Наесен и на зима прозорците најчесто се цврсто затворени поради студот. Затоа влагата од дишењето, готвењето и сушењето алишта останува заробена во домот без излез. Кога на прозорската даска ќе се постави мал сад со сол, таа ја привлекува водената пареа од воздухот уште пред да има шанса да се излади и да се претвори во капки на стаклото. Овој трик ја отстранува потребата секое утро заморно да ги бришете прозорците со сува крпа, а чини буквално неколку денари.
Кога ќе се згрутчи, фрлете ја и ставете нова сол еднаш неделно
Сè што треба да направите е да земете чаша или керамички сад и да го наполните до половина со обична крупна или ситна кујнска сол од продавница. Садот ставете го на прозорската даска, но внимавајте да не биде директно притиснат до завесите. Проверувајте ја солта на секои неколку дена. Кога ќе забележите дека станала влажна, леплива или дека почнала да се собира во грутки, тоа е сигурен знак дека успешно ја впила влагата од воздухот. Тогаш едноставно фрлете ја и заменете ја со свежа, сува сол, приближно еднаш неделно. За резултатот да биде беспрекорен, експертите препорачуваат овој трик да го комбинирате со брзо утринско проветрување: отворете го прозорецот на кип само 5 до 10 минути секое утро, дури и кога надвор е многу студено. Спалните соби акумулираат огромно количество влага во текот на ноќта додека спиеме. Краткиот бран свеж воздух ќе го исфрли загреаниот влажен воздух надвор без да ги олади ѕидовите. Откако ќе го затворите прозорецот, солта ќе продолжи тивко да ја собира преостанатата влага во текот на целиот ден. Стаклата ќе ви останат суви како барут, а мувлата никогаш повеќе нема да се појави во вашиот дом.
