Забранетиот проколнат остров Повеља во Италија: 160.000 изгубени души, духови и експерименти во лудница
На прв поглед Италија е синоним за уметност, љубов и убавина. Но, во срцето на Венецијанската лагуна се крие едно од најужасните и најмистериозни места во Европа – островот Повеља. Овој остров го нарекуваат „место на смртта” и „остров на духови” поради неговата мрачна историја и зачуваните легенди. Денес е целосно забранет за посетители и е под стража – само храбрите се осмелиле да прекорат.
In This Article:
- Пекол од епидемија: Чумата ги проголта луѓето на Повеља, 160.000 мртви и изгубени семејства
- Лудница на ужасот: Тајните експерименти и трагичната смрт на главниот лекар во 1922 година
- Заштитен и заборавен: Бегство на сопственици, напуштени згради и сведоштва за духови
- Иднината на Повеља: Проколнатата дестинација можеби ќе добие нов живот, но ризикот останува
Пекол од епидемија: Чумата ги проголта луѓето на Повеља, 160.000 мртви и изгубени семејства
Во средниот век, Европа беше погодена од страшната епидемија на чума. Илјадници болни и осудени беа испраќани на Повеља – место каде ги очекуваше само смртта. Често цели семејства биле затворани иако не сите биле заразени. Починатите биле фрлани во „чумни јами“ и потоа запалени - ужас што не може да се опише. Легендата тврди дека таму настрадале околу 160.000 луѓе, а нивните неспокојни души скитаат по островот уште и денес.
Лудница на ужасот: Тајните експерименти и трагичната смрт на главниот лекар во 1922 година
Мрачната слава на Повеља добила нова димензија во 1922 година, кога е отворена психијатриска болница на островот. Главниот лекар бил познат по своите сурови и морничави експерименти – лоботомии, електрошокови и други тортури над пациентите. Лекарот трагично го завршил животот – скокнал од кулата, а причината никогаш не е разјаснета. Некои веруваат дека бил турнат од револтирани пациенти, други сметаат дека полудел од ужасните глетки, а некои обвинуваат невидливи духови на островот.
Заштитен и заборавен: Бегство на сопственици, напуштени згради и сведоштва за духови
По затворањето на психијатриската болница, Повеља кратко служел како прибежиште за сиромашни и бездомници. Дури ни тие не издржале долго. Една брачна двојка се обидела да купи дел од островот за да изградат викендица, но не останале ни една ноќ – веднаш избегале и никогаш не се вратиле, без да објаснат зошто. Напуштените згради, урнатините од болницата и тврдината, како и познатиот светилник го прават Повеља најмрачниот остров во Италија, преполн со легенди за духовно присуство и постојан надзор.
Иднината на Повеља: Проколнатата дестинација можеби ќе добие нов живот, но ризикот останува
Денес постои идеја да се реставрира Повеља и да се пуштатмали туристички тури. Еден италијански бизнисмен сака да го купи островот, но паранормални истражувачи предупредуваат дека е полн со непозната енергија и дека посетителите не се безбедни. Дали ќе има втора шанса за ова место или засекогаш ќе остане најстрашното парче земја на Италија? Само љубителите на адреналин ќе си ја испробаат среќата таму.
