По трансплантација на коса, маж со огромно чело: „Изгледам како да можам да ја видам иднината“
Логан Хендерсон се пошегува дека изгледа како Мегамајнд откако главата му се зголеми по скапата трансплантација на коса од 4000 евра. Овој 26-годишен сметководител од Манчестер се борел со опаѓање на косата од свои 19 години и реши конечно да преземе нешто по тоа прашање.
In This Article:
Трансплантација со 4.500 графтови и болен процес на опоравување што го остави со двојно поголемо чело и затворено око
На 1 ноември Логан отишол на операција за трансплантација на околу 4.500 графтови. Само неколку дена по операцијата, сфатил дека закрепнувањето ќе биде многу потешко од очекуваното. Морал да спие исправено десет дена за да ги заштити деликатните графтови, а уште на вториот ден челото му се здебелило и целото лице се деформиралло. "Опоравувањето беше многу тешко," вели Логан. "Спиењето исправено беше ужасно и не сакав да излезам од дома. Мислев дека сум во ред после првиот ден, но веќе на вториот изгледав како Мегамајнд."
Челото му се дуплираше
За да ги намали отоците носеше специјален стегач, но тоа само го засили ефектот. "Секогаш кога го носев стегачот, отоците се собираа во челото и горниот дел на главата. На третиот ден очите ми беа сини како да сум тепан од Мајк Тајсон, а десното око ми беше речиси затворено од отоци. Една недела не можев да си го напипам черепот. Ден по операцијата шетав со стегач во Лондон на кој пишуваше 'сакам коса' и добивав многу погледи и потсмеви од луѓето наоколу. Социјалните мрежи не ме поштедија: ‘може да ја запомни иднината’, ‘има многу на памет’ и ‘престани да размислуваш’."
Логан: „Само сакав да изгледам на своите години, а не како човек со 10 години повеќе“
„Сакав да ја вратам линијата на косата и да не изгледам како да имам 36 години. Беше дојдено до точка каде морав или да се избричам целосно или да пробам нешто друго“, вели Логан. „Од 19 години губам коса, знаев дека е прашање на време. Не сфатив колку брзо ќе дојде моментот кога ќе морам да реагирам. Линијата на косата агресивно се повлекуваше, косата ми беше многу тенка, а на темето веќе имав ќелава точка. За целосните резултати ќе морам да чекам уште 12 месеци, но не сакав да зажалам ако останев без коса без да пробам.“
