Пекол без излез: Во срцето на најсуровиот затвор — СЕСОТ, каде што затворениците губат секаква надеж за слобода
Ел Салвадор, денес познат како едно од најбезбедните места во светот, до пред само неколку години беше симбол на улично насилство и немир. Во 2015 година, оваа мала држава беше на самиот врв по насилни криминални дела. Секојдневните војни меѓу бандите Barrio 18 и MS-13 ги тероризираа улиците – сè до крвавиот март 2022, кога сè се смени. Тогаш започна брутална акција против криминалот, а симбол на таа нова ера е CECOT (Centro de Confinamiento del Terrorismo) - Центар за притвор на терористи, најголемиот затвор во Латинска Америка, каде што илјадници членови на банди се затворени под строги услови, без контакт со надворешниот свет.
In This Article:
- Масакр и масовни апсења: Како еден викенд го смени лицето на Салвадор
- СЕСОТ: Затвор од кој нема враќање — најголемото и најстрого чувано затворско чудовиште во Латинска Америка
- Живот без светлина: Невозможни услови, постојан надзор и целосна психолошка изолација за затворениците
- Скротените кралеви на улицата: Поранешните водачи на банди се изедначени од безнадежноста на СЕСОТ
Масакр и масовни апсења: Како еден викенд го смени лицето на Салвадор
Меѓу 25 и 27 март 2022, бандите извршија невидено крвопролевање — во само три дена беа убиени 87 луѓе. Претседателот Наиб Букеле прогласи вонредна состојба и започна огромна полициска акција. Во рок од седум месеци, полицијата уапси 55.000 осомничени членови на банди, препознатливи по своите тетоважи па дури и на лицето.
СЕСОТ: Затвор од кој нема враќање — најголемото и најстрого чувано затворско чудовиште во Латинска Америка
По историскиот бран апсења, владата за повеќе од 100 милиони долари изгради монументален затвор. На 23 хектари, опкружен со 9-метарски бетонски ѕид и 3-метарска електрифицирана бодликава жица, сместен далеку од цивилизацијата крај вулканот Сан Висенте, затворот е непристапна тврдина. 19 кули, 600 војници и 250 полицајци се грижат за контролата, а затворениците се чуваат одвоени.
Живот без светлина: Невозможни услови, постојан надзор и целосна психолошка изолација за затворениците
Затворениците се сместени по 80 во пренатрупани ќелии, спијат на кревети со четири нивоа, делат два отворени тоалета и имаат само пластичен сад за миење. Тие добиваат само најосновна облека (маица, шорцеви, чаршав и пешкир) и вода за пиење во буриња во самата ќелија. Собите се постојано осветлени и следени од камери, а храната се дели во еднократни садови без прибор — три пати на ден, секогаш ориз, грав, тортиљи и понекогаш тестенини. Протеини од животинско потекло нема. Надвор излегуваат само 30 минути неделно за физички вежби или читање Библија. Посети и контакти со блиски се строго забранети.
Скротените кралеви на улицата: Поранешните водачи на банди се изедначени од безнадежноста на СЕСОТ
Директорот на СЕСОТ, Белармино Гарсија, во април 2025 изјави дека бројот на затвореници се ближи до максималните 40.000, а претседателот Букеле најавува двојно зголемување на капацитетот. Речиси секој во оваа тврдина има крваво досие, а надворешниот свет за нив е засекогаш изгубен. Од некогашни кралеви на улицата, станаа затвореници преполни со очај и празни погледи. Приказната за најголемиот затвор во Латинска Америка е приказна за падот на моќта и конечна човекова безнадежност.
