Патувате за Хрватска? Ако се чека повеќе од 45 минути, граничните контроли ќе се скратат
Хрватска воведува привремени олеснувања на граничните проверки за време на летната туристичка сезона, со цел да се намалат долгите колони на граничните премини и да се забрза протокот на патници.
Ќе се ублажуваат биометриските проверки
Хрватското Министерство за внатрешни работи соопшти дека доколку времето на чекање за влез во земјата надмине 45 минути, граничната полиција ќе може привремено да ги ублажи биометриските проверки предвидени со европскиот систем Entry/Exit System (EES). Во такви случаи патниците и понатаму ќе бидат евидентирани во системот, но нема повторно да се земаат отпечатоци од прсти и фотографија на лицето, што треба значително да го забрза преминувањето на границата
Мерката ќе важи само при големи гужви
Од хрватското МВР нагласуваат дека ова не значи укинување на системот EES, туку привремена можност што е предвидена со европските правила и ќе се користи само кога ќе има големи метежи на граничните премини. Хрватските власти истакнуваат дека засега немаат поголеми проблеми со примената на системот, но можноста за привремено ублажување на биометриските проверки е важен механизам за избегнување повеќечасовни чекања во екот на туристичката сезона.
