Како еден Австралиец заведувал жени на апликација за запознавање за да им го земе целиот кеш и да го искоцка
Серискиот измамник Ли Абот (46) од Австралија, жртва на својот порок за коцкање, измами четири жени преку апликација за запознавање и ги оштети за вкупно 22.180 долари за помалку од една година. Сите парите завршиле на кладионица, додека тој манипулирал со емоции и лажни приказни за љубов, смрт и очај. Во средата беше осуден на девет месеци затвор во Мелбурн, но вистинската тежина ја носат жените кои му поверуваа на измамникот — и останаа без заштеда, спокој и достоинство.
In This Article:
- Првата жртва му дала 4000 долари за неговата „семејна трагедија“
- Друга жртва без да го запознае – ја излажал дека ја сака и му дала 15.000 долари за да уплати за фиктивно патување
- Иако никогаш не ги видел, од уште две жртви влечел по 100 и 250 долари, манипулирајќи со банални лаги
- Стара историја на измами: Го викаат „Тиндлер Свиндлер“ – изнудил 160.000 долари и бил затворен, бегал поради долг кон бајкери
- Правдата го стигна: Девет месеци затвор, две години корективен надзор и задолжителна отплата на штетите на жртвите
Првата жртва му дала 4000 долари за неговата „семејна трагедија“
Во април 2023, Абот ја запознава својата прва жртва во хотелот GRAND на Gold Coast. Се претставува како човек кој пристигнал од Мелбурн за погребот на татко му и тврди дека му требаат пари за пренос на автомобилот и „неколку лични работи“. „Здраво мила, сега сум на аеродром ... се разбирам со банката кога ќе ги пуштат парите ... вистински проблем ... ако заглавам, можам ли да позајмам малку пари од тебе?“ ѝ праќа порака, ветувајќи дека ќе врати ако може. Таа, трогната од неговата приказна, му исплаќа 4000 долари во неколку трансакции. Од тие пари, Абот веднаш 1000 долари ги уплаќа на апликацијата за обложување Ladbrokes, а уште 1000 ги троши на купување. Во јануари 2024 ѝ враќа само 600 долари — во меѓувреме, неговата состојба на сметка изнесувала само 3,53 долари.
Друга жртва без да го запознае – ја излажал дека ја сака и му дала 15.000 долари за да уплати за фиктивно патување
Во септември 2023, Абот на Zoosk запознава следна жртва која, заслепена од измислените чувства, во декември му исплаќа 15.000 долари. Преку размена на приватни и сексуализирани пораки, ветува ноќ заедно за Нова година, а всушност секоја порака била дел од сценариото за манипулација и барање нов заем: „Јас уште чекам 5.000 долари што требаше да ги користам за Божиќ, ако стигнат денес-утре ќе ти ги дадам... Сакам за Нова година да те бакнам, ќе мислам на тебе... ќе чекам секогаш!“. Кога ѝ снемува опции за кредити, Абот ја тера да земе хипотека — но банката NAB го препознава криминалот и ја блокира исплатата. И овие пари веднаш ги расипува на интернет коцкање.
Иако никогаш не ги видел, од уште две жртви влечел по 100 и 250 долари, манипулирајќи со банални лаги
Абот и двете следни жртви ги „освои“ на Zoosk, иако ниту еднаш не ги видел во живо. Во еден случај, имал само 0,80 долари на сметка, а измамил жена да му прати 100 долари со објаснување дека „заборавил ручек“. Таа пушта пари со описот 'lunch hehe'. Кај другата манипулира со исплати и лажни ветувања, вклучително и смешна идеја дека соседот ќе ѝ го донесе паричникот преку Uber, па бара уште доколку таа нема доволно. „Ти имам, не грижи се xx“ – ветува, а во суштина нема намера никогаш да врати пари.
Стара историја на измами: Го викаат „Тиндлер Свиндлер“ – изнудил 160.000 долари и бил затворен, бегал поради долг кон бајкери
Абот не е нов во светот на измамата. Познат под прекарот „Тиндер Свиндлер“, веќе бил осуден во 2017 во Западна Австралија заради уцени и измами на 12 жени, со користење закани, вклучително и со дистрибуција на експлицитни фотографии и паелење куќа на жртва. Сите ги наоѓал преку апликации или социјални мрежи. Ја напуштил Тасманија поради долгови кон бајкерски банди. На полицијата ѝ признал „целиот живот е навлечен на коњи“ – односно трки и коцкање. Судот открива дека меѓу 2021 и 2024 извадил 73.000 долари од банкомати на кладионици и депонирал 247.000 во Ladbrokes само за три години.
Правдата го стигна: Девет месеци затвор, две години корективен надзор и задолжителна отплата на штетите на жртвите
Судијката Кејтлин Инглиш при изрекувањето на казната подвлече дека Абот сторил „промислени и намерни“ дела во „интимен контекст“ и ја истакна ранливоста и срамот на жртвите на кои им биле урнисани довербата и стабилноста. „Жртвите се чувствуваа понижено поради твоето однесување“, рече судијката. Абот доби девет месеци затвор, две години условен надзор и си носи обврска да ги врати парите на жртвите. Но, нивните изгубени надежи ќе бидат многу потешки за наплата од парите.
