Откажувањето од месо и млечни производи за само неколку недели може да ја промени хемијата на вашето тело
Растителната исхрана одамна се смета за добра опција за луѓе што сакаат да го подобрат здравјето. Но, нова студија, заснована на вистински навики во исхраната, открива свежи сознанија зошто тоа може да биде така. Наблудувањето не се одвивало во вештачка лабораториска рамка, туку во секојдневниот живот на луѓе кои со години менуваат начин на исхрана според верска традиција.
200 здрави луѓе од поширокиот регион на Солун постат 180 до 200 дена годишно
Студијата следела група од 200 здрави луѓе од поширокиот регион на Солун, Грција, кои се воздржуваат од месо, риба, млечни производи и јајца, суштински практикувајки веганска исхрана, вкупно 180 до 200 дена секоја година. Тоа го прават како дел од верска практика поврзана со православното христијанство. Овие православни христијани постат на ваков начин секоја среда и петок, како и во четири подолги периоди во текот на годината.
