Основачот на AI од Google предупредува: „Не студирајте медицина или право – вештачката интелигенција ќе ги уништи овие кариери пред да дипломирате“
Џад Тарифи, еден од пионерите на вештачката интелигенција во Google, испраќа вознемирувачка порака до сите што размислуваат за долгогодишни и скапи студии по медицина или право. Според него, напредната AI технологија брзо ги заменува овие професии, па сето ваше време и пари може да бидат залудни уште пред да влезете во работниот свет.
In This Article:
Тарифи: „Никој не треба да прави докторат ако не е опседнат со полето“
Во интервју за Business Insider, Тарифи ги охрабрува младите да не трчаат по престижот на докторските и магистерските титули ако немаат вистинска пасија за областа. Тој предупредува дека голем дел од тие што се запишуваат само заради статус, ќе се разочараат: „Доколку не сте страстен, тоа се потрошени години што никогаш нема да ги вратите“.
Медицинските и правните студии: скапи и застарени, а AI веќе напредува побрзо од било кога
Тарифи ја критикува традиционалната едукација во медицината и правото, нарекувајќи ја „застарена и фокусирана на меморирање“. Тој смета дека додека студентите ги вложуваат најдобрите години и стотици илјади долари во долги студии, AI брзо ги учи и извршува нивните идни задачи.
Дури и AI доктори и правници?
Дали постдипломските студии по вештачка интелигенција се спас? Не според Тарифи. И таа област толку брзо напредува, што технологијата за која се учи денес, ќе биде застарена до вашето дипломирање. Единствен совет: ако навистина ве интересираат специјализирани гранки како „AI за биологија“ – тогаш вложете напор таму. Инаку, потрошено време.
Личниот развој е од поголемо значење
Тарифи препорачува – работете на себе, дружете се, медитирајте, градиете доверба во себе. Наивно звучат овие зборови кога знаеме дека денешната AI сѐ уште не може да замени искусен доктор или адвокат. Но, времето ќе покаже дали иднината навистина е во рацете на машините – и дали човештвото некако ќе ја преживее сопствената креација.
