Состојка што ја има во диеталните газирани пијалоци, сладолеот и гумите за џвакање сега поврзана со заболувања на црниот дроб
Јадењето на една од најчестите замени за шеќер, сорбитол, може значително да го зголеми ризикот од заболување на црниот дроб. Наодите од ново истражување покажуваат дека оваа состојка, која ја среќаваме во диетални газирани пијалаци, гуми за џвакање, сладоледи и ниско-калорични овошни пијалаци, може да доведе до развивање замастување на црниот дроб.
In This Article:
- Сорбитолот – најчестиот засладувач во здрава храна го зголемува ризикот од масна болест на црниот дроб
- Научниците открија дека истражените бактерии во цревата заштитуваат од опасното дејство на сорбитолот, но тие често недостасуваат кај луѓето
- Замастување на црниот дроб често минува без симптоми и може да доведе до откажување на органот
- Мистериозниот однос меѓу сорбитолот и цревната микрофлора сè уште не е целосно јасен
- Исто како сорбитолот, и фруктозата во обработената храна го забрзува растот на ракот и го уништува црниот дроб
Сорбитолот – најчестиот засладувач во здрава храна го зголемува ризикот од масна болест на црниот дроб
Според научниците, сорбитолот е шеќерен алкохол кој природно се јавува во овошја како јаболка и праски, но исто така се произведува и вештачки како ниско-калоричен засладувач. Замастување на црниот е состојба која се карактеризира со опасно натрупување на маснотии во црниот дроб што може да предизвика воспаление, лузни и дури целосно откажување на органот.
Научниците открија дека истражените бактерии во цревата заштитуваат од опасното дејство на сорбитолот, но тие често недостасуваат кај луѓето
Истражувачите од Вашингтонскиот универзитет во Сент Луис покажаа дека додека сорбитолот се отстранува кога има здрави цревни бактерии, неговото дејство е многу поопасно кога тие недостасуваат - што често се случува кај луѓето кои земаат одредени лекови. Кога нема доволно бактерии, сорбитолот стигнува до црниот дроб и се претвора во фруктоза, а потоа во маснотии. "Овие откритија покажуваат дека бактериите кои го разградуваат сорбитолот во цревата штитат од замастуање на црниот дроб. Прекумерната консумација на сорбитол би можела да претставува ризик за развој на оваа болест", стои во истражувањето.
Замастување на црниот дроб често минува без симптоми и може да доведе до откажување на органот
Замастување на црниот дроб може да биде последица на прекумерна тежина, дијабетес, инсулинска резистенција или покачени масти во крвта. Сепак, оваа болест често минува незабележано бидејќи нема јасни симптоми, а најчести предупредувачки знаци се болка и подуеност на стомакот, чувство на исполнетост, невидена изнемоштеност, губење на апетит, необјаснето слабеење, пожолтенила на кожата и очите, оток на стомакот, нозете или рацете. Без третман, болеста доведува до оштетување и лузни на црниот дроб, а крајна последица е нијарен отказ и потреба од трансплантација.
Мистериозниот однос меѓу сорбитолот и цревната микрофлора сè уште не е целосно јасен
Во студијата објавено во Science Signaling, научниците докажуваат дека сорбитолот природно се создава во цревата кога глукозата расте, но нормално се неутрализира од бактерија од родот Aeromonas – која кај луѓето се појавува при инфекција, а не е вообичаена дел од природната микрофлора. Научниците не утврдија која количина сорбитол претставува вистински ризик, ниту колку може да биде безбедно неутрализиран од нашите сопствени бактерии. Доктор Гери Пати, водечки истражувач, вели: "[Сорбитолот] може да се создава во телото во значителни количини. Ако ги имате вистинските бактерии, тоа не е проблем. Но, ако не ги имате – тогаш сорбитолот не се разграднува и стигнува до црниот дроб."
Исто како сорбитолот, и фруктозата во обработената храна го забрзува растот на ракот и го уништува црниот дроб
Истражувачите претходно предупредија дека фруктозата – која се додава во илјадници производи и пијалаци, особено како сируп од пченка со висока содржина на фруктоза – може да го засили растот на некои видови малигни тумори. Резултатите покажаа дека овие шеќери во црниот дроб се претвораат во компоненти што туморите ги користат за раст и ширење. Додека природната фруктоза во овошјето не е толку опасна бидејќи има и растителни влакна и други хранливи материи, додадената фруктоза е директно поврзана со опасноста од рак и замастување на црниот дроб.
