Од телевизиски шарлатан до креатор на здравствени политики: Д-р Оз и опасниот пат кон здравство предводено од вештачка интелигенција
Во центарот на оваа приказна е Мехмет „Д-р Оз“ Оз, човекот кој некогаш тврдеше дека јаболковиот сок е полн со арсен и нудел „магични“ апчиња за слабеење. По неуспешната кандидатура за Сенатот, Оз се најде на чело на Центарот за Medicare и Medicaid Services (CMS) — агенција што обезбедува здравствена заштита за над 160 милиони Американци.
„Патриотска должност е да се биде здрав“
На својот прв состанок со вработените, Оз ја величел употребата на вештачка интелигенција во здравството и предложил ВИ-аватари да ги заменат медицинските работници. Тој, без никакво искуство во здравствени политики, верува дека алгоритмите се решение за американската здравствена криза. Но, кој сака реален лекар кога може да добие дијагноза од машина што „измислува“ симптоми? Како шлаг на тортата, им порача на вработените дека е „патриотска должност“ да останат здрави — став што застрашувачки потсетува на идеологијата од 1930-тите, кога физичкото здравје било врзано со национален идентитет и гордост.
Дистописки здравствен систем?
Дали Оз ќе ја користи оваа реторика за да оправда технолошки дистописки здравствен систем, допрва ќе видиме. Но граѓаните не се импресионирани: истражување од Универзитетот во Мичиген покажува дека 74% од возрасните над 50 години имаат малку или воопшто немаат доверба во здравствени совети од вештачката интелигенција. Можеби тоа им одговара на оние што веруваат во чудотворни таблети, но за остатокот од нас — кои веќе се мачиме со комплицираниот и нефункционален здравствен систем — ова е кошмар што нема пауза.
COMMENTS 