Од КОВИД 19 до богатство: Како д-р Фаучи стана мултимилионер во Короната и по заминувањето од Белата куќа?
Контроверзниот здравствен функционер д-р Ентони Фаучи ја удвои својата нето-вредност во првата година по пензионирањето од американската влада. Според „OpenTheBooks“, организација што ги добила неговите финансиски извештаи, тој и неговата сопруга, д-р Кристин Грејди, во 2023 година оствариле финансиски раст од над 3,5 милиони долари, со што нивниот вкупен имот надминал 15 милиони долари.
Пензионер со 15 милиони долари: Што се крие зад богатството на најплатениот државен службеник?
Д-р Фаучи потпишал договор вреден речиси 5 милиони долари за својата автобиографија On Call: A Doctor's Journey in Public Service, која подоцна станала бестселер. Дополнително, одржувал платени говори на настани од висок профил. Само во 2023 година добил повеќе шестцифрени хонорари, вклучително и 700.000 долари во ноември. До 2019 година, Фаучи поседувал околу 7,6 милиони долари, а како директор на Националниот институт за алергија и заразни болести и главен медицински советник на Белата куќа, имал годишна плата од 480.654 долари – највисока меѓу сите владини службеници.
Тајните на новиот живот на д-р Фаучи
Веста за неговото зголемено богатство се појави во период кога поранешниот претседател Доналд Трамп лансираше нова веб-страница со тврдења дека Ковид-19 потекнува од лабораторија во Вухан. На страницата се обвинува владата за прикривање на теоријата за „бегство од лабораторија“ и се критикуваат мерките за пандемија како носење маски и социјално дистанцирање – кои д-р Фаучи ги поддржуваше.
