Од мајстор на кражби до жртва на сопствената измама – Хакерот што ја ограби UXLINK изгуби 50 милиони долари на банална фишинг измама
Судбината сака да се шегува – еден од најпознатите крипто-хакери, кој минатата недела успешно исцеди милиони од платформата UXLINK, сега и самиот падна на еден од најстарите трикови во онлајн светот. Овојпат, тој загуби над 50 милиони долари на начин по кој измамуваше други.
In This Article:
- Хакерот изгуби 542 милиони UXLINK токени на банална фишинг измама – веројатно дело на Inferno Drainer
- Самата иронија – хакерот падна на истите трикови кои ги користеше врз UXLINK
- Како хакерот ја испразни касата на UXLINK – детали за експлоатацијата
- Хаосот продолжи – хакерот издаде 2 милијарди нови токени и продаде за 28 милиони долари пред да биде ограбен
- UXLINK ја потврдува хаваријата и превзема чекори – блокада, ангажман и нови мерки за заштита
Хакерот изгуби 542 милиони UXLINK токени на банална фишинг измама – веројатно дело на Inferno Drainer
На 23 септември платформата за безбедност Scam Sniffer објави дека хакерот кој ја ограби UXLINK станал жртва на фишинг измама, губејќи 542 милиони UXLINK токени вредни над 50 милиони долари. Според Ју Сијан, ко-основач на SlowMist, стилот на измамата личи на делото на Inferno Drainer, познат по дистрибуција на фишинг алатки и лажни сајтови. Тие имаат повеќемилионски криминален биланс во крипто светот.
Самата иронија – хакерот падна на истите трикови кои ги користеше врз UXLINK
И во трагикомичен обрт, Ју Сијан јавно се потсмева со зборовите дека хакерот го загуби пленот токму преку елементарни authorization стапици – истите што тој ги користеше против UXLINK. Ова само ја потврдува народната мудрост дека кој на друг му копа јама, самиот ќе падне.
Како хакерот ја испразни касата на UXLINK – детали за експлоатацијата
На 22 септември, платформата UXLINK беше пробиена преку delegateCall функција, која дозволи хакерот да си додаде сопствена адреса како администратор. За само неколку часа беа украдени: - 4 милиони USDT - 500 илјади USDC - 3,7 „wrapped“ биткоини - 25 ETH Парите беа префрлени и разменети низ повеќе блокчејн мрежи. Наскоро, напаѓачот доби и дополнителни 10 милиони UXLINK токени, кои ги продаде преку децентрализирани берзи.
Хаосот продолжи – хакерот издаде 2 милијарди нови токени и продаде за 28 милиони долари пред да биде ограбен
До 23 септември, напаѓачот веќе имаше издадено дополнителни 2 милијарди UXLINK токени, реализирајќи продажби преку различни берзи и собирајќи 6.732 ETH (околу 28 милиони долари). Но, веднаш потоа – остана без поголемиот дел од своите новоосвоени милиони, токму преку измама на измамници.
UXLINK ја потврдува хаваријата и превзема чекори – блокада, ангажман и нови мерки за заштита
UXLINK официјално го потврди нападот и веднаш почна да соработува и со берзи и со специјализирани безбедносни тимови како PeckShield. Тие објавија: „Ќе спроведеме итен простор за размена на токени за да ја заштитиме економијата на нашата крипто заедница. Дополнителни детали ќе бидат објавени наскоро.“
