Од денеска нови правила на македонските патарини
На државните патишта стапуваат во сила нови правила за плаќање патарина. Промените ја засегаат секоја наплатна станица каде што возачите избираат лента според начинот на плаќање, особено кога користат електронски средства за наплата.
Ознаката М‑таг сега значи ИСКЛУЧИВО електронски таг
Лентите обележани за М‑таг се наменети ИСКЛУЧИВО за возила што плаќаат со електронски таг. На овие ленти повеќе не е дозволено плаќање со М‑карта (MCard).
Возачите со MCard треба да ја изберат другата достапна лента
Оние што користат М‑карта треба да ја извршат наплатата на другите достапни ленти на наплатната станица, согласно нивната намена и сигнализација. Јавното претпријатие за државни патишта апелира до сите учесници во сообраќајот да ги следат информативните електронски табли поставени на патарините, со цел да се избегнат застои и непотребни задржувања.