Од стјуардеса до сопруга на султанот: Вистинската приказна на Мариам Абдул-Азиз, жената која го освои срцето на султанот на Брунеј
Ова не е приказна од „Илјада и една ноќ“, туку од реалниот живот. Мариам Абдул-Азиз — девојка со едноставно потекло, за миг се најде среде најбогатиот дворец во светот, стана принцеза, мајка на престолонаследници, а подоцна и протерана – сѐ по љубовната авантура со султанот Хасанал Болкиах. Таа живееше сон кој многумина само го сонуваат — но, за тоа платила висока цена.
In This Article:
Мариам: Дете од мешано потекло кое стана омилена во елитата на Брунеј, благодарение на образованието и вештините
Мариамхаджи Абдул-Азиз е родена во 1956 година како трето дете во семејството. Нејзиниот татко имал јапонски и англиски корени, а таа била посебно талентирана и образована – говорела совршен англиски и стекнала одлично образование. По студиите, започнала да работи како стјуардеса во Royal Brunei Airlines, каде нејзината посветеност и дисциплина ѝ го отвориле патот до султанскиот авион и до нов свет, далеку од нејзиниот дом.
Султанот на Брунеј: Богатство, луксуз и неочекуван избор на сопруга од народот
Хасанал Болкиах е еден од најбогатите и најмоќните монарси во светот, познат по својата верност на исламот, но и по голема љубов кон луксузот. Кога избрал стјуардеса од народот за сопруга – нешто невидено во кралската династија – предизвикал огромен скандал. Во 1981 година, Мариам официјално стана негова сопруга и доби титула принцеза – чин што ги шокираше дури и најголемите приврзаници на традицијата. Но, народот ја засака за нејзината скромност и човечност.
Животот во златен кафез
За време на бракот, Мариам стана мајка на четири деца и вдоми уште едно девојче. Се вклучи во јавниот живот на Брунеј, стана командантка на женската рота – симбол на новата улога на жените во општеството. Низ дворот и елитата шепотеа дека нејзината појава ја нарушува династијата, а се појавија и љубомора и натпревари. Иако султанот многу ја сакаше, нејзиниот живот беше преполн со лични и политички предизвици.
Развод, протерување и тагата по децата
Во 2003 година, по 22 години брак, преку официјална телевизија беше објавен разводот меѓу Маријам и султанот. Беше обвинета за различни скандали, губејќи ги сите титули и е протерана, но ѝ останува голема пензија. Животот продолжува во Лондон, во осаменост и обид да се доближи до децата, но султанот не ѝ дозволи да ги гледа. Приказната на Мариам е доказ дека и кога судбината ќе те однесе во палата, во златниот кафез се крие тага, завист и молк.
