Аеродромот во Рим отвора луксузен хотел за кучиња со услуги за разгалување
Сопствениците на кучиња често се соочуваат со голема дилема пред секое патување – да го остават миленикот на чувар или во класичен пансион? Тоа бара стрес, логистика и време. Но, меѓународниот аеродром Фиумичино во Рим им носи целосна револуција на патниците и нивните кучиња: првиот луксузен хотел за кучиња на аеродром на европско тло.
In This Article:
- Хотелот Dog Relais ги пречекува кучињата директно од терминалот и им овозможува вистински SPA третман
- Собите се со подно греење и приватни градини, но има и арома-терапија и масажа за најразгалените миленици
- Премиум соби, апликација за фрлање грицки, и услуги и за жителите на Рим
- Среќни сопственици и нови правила
Хотелот Dog Relais ги пречекува кучињата директно од терминалот и им овозможува вистински SPA третман
Работниците на Dog Relais ги превземаат кучињата директно од терминалот, за сопствениците да заминат на лет без грижа. „Овој проект се вклопува во стратегија да се понуди навистина интензивно и емотивно искуство за патниците. Во овој случај, нудиме услуги за кучињата и нивните сопственици“, изјави Марилена Блази од Aeroporti di Roma.
Собите се со подно греење и приватни градини, но има и арома-терапија и масажа за најразгалените миленици
Обично преноќување чини околу 43 евра и носи удобности како контролиранa температура и приватна градина. Посрамежливите кученца добиваат засолништа крај работ на објектот за повеќе приватност. Ноќе, низ звучници тече релаксирачка музика со фреквенција од 432 херци. Дополнително се нудат фризирање, бањање, чистење заби, ароматерапија со лаванда или нане, па дури и крем од арника за смирување на болка во мускули.
Премиум соби, апликација за фрлање грицки, и услуги и за жителите на Рим
За дополнителни 64 евра, сопствениците можат да резервираат премиум соба со екран за 24-часовна видео врска, а преку апликација дури можат и од далечина да го наградат миленикот со грицки. Хотелот е отворен и за локалци што сакаат дневна грижа за нивните кучиња, не само патници.
Среќни сопственици и нови правила
Александра Морели, која работи во човечки ресурси на Aeroporti di Roma, вели: „Откако можам да ја оставам Нина во овој хотел, мојот живот и балансот помеѓу работата и приватноста се подобрија. Имам целосен мир кога патувам“. Дарио Киасарини одлучи да ја носи својата ротвајлерка Атена тука на дресура, но сè почесто и кога патува: „Им верувам затоа што ги запознав вработените, тие имаат љубов кон животните и знам на кого ја доверувам Атена“. Хотелот беше комплетно пополнет во август, а од мај просечна пополнетост била две третини. Во истиот месец Италија ги промени правилата – сега големи кучиња, во сигурни транспортни куќарки, може да патуваат во кабината на домашни летови. „Тоа е чекор напред од цивилизациска гледна точка“, изјави министерот за транспорт Матео Салвини.
