Што се случи со Бугаринот Валентин Асенов? Продавачот на семки кој стана мултимилионер на Лото
Во 1990 година, во бугарскиот град Хасково, Валентин Асенов – продавач на семки од ромско потекло – неочекувано ги добива првите милионски пари на спортското лото во Бугарија. Човек кој дотогаш немал ништо повредно од вреќа семки, за една вечер станува сензација низ целата држава. Шест погодоци му носат 318 милиони лева (околу 15 милиони долари) – огромна сума која го менува животот на Асенов засекогаш. Но, неговата приказна трае подолго од самиот момент на среќа.
In This Article:
Феноменалната добивка
Случајно купен билет, со парите што ги позајмил за цигари, го донесе Валентин до првиот милионски џекпот во историјата на бугарската државна лотарија. Шест добиени броеви од 42 му обезбедуваат легендарен статус. Веста ја потресе цела Бугарија, а Хасково бурно славеше – немаше кафеана каде што не се дискутираше за новиот милионер кој некогаш крадеше семки по полињата.
Фешта и луксуз: Бел мерцедес, телохранители и живот како цар
Валентин прво купува бел мерцедес од последниот модел, ангажира пет телохранители со голема плата и веднаш патува за Софија да си ги земе добиените пари. Не верува на никого – бара пари на рака, одбива трансфер преку банка бидејќи мисли дека сите лажат. Затоа милионите ги добива во четири огромни кутии со ситни банкноти. Брзо потоа купува голема вила, скапа облека за семејството, престојува по најлуксузни хотели на море и секојдневно ангажира елитни проститутки.
Трагичен пад: Пари веќе нема, семејството завршува на улица, Валентин умира во беда
Животот во раскош трае кусо. Пари повеќе нема, а Валентин го наоѓаат полумртов во канал. За да преживеат, семејството распродава сè што купиле – на крај остануваат на улица. Семејни пријатели од ромската заедница ги прибираат во кокошарник, но Валентин умира од инфаркт по еден месец. Дури и за погреб немало пари. Среќата се претвора во трагедија и предупредување за сите кои мислат дека парите се решение на сите проблеми.
