Нема повеќе полнење? Mercedes- Benz со нова иновација - боја што може да апсорбира 94% од сончевата енергија
Mercedes-Benz воведува иновација што би можела да ја промени иднината на електричните возила – ултратенка соларна боја што апсорбира до 94% од сончевата енергија. Оваа боја тежи само 50 грама на квадратен метар и е дебела пет микрометри, а може да покрие површина до 11 квадратни метри на едно возило. Така, се генерира доволно енергија за да се зголеми годишниот домет на возилото за околу 12.000 километри, што значи значително намалување на зависноста од станиците за полнење.
Нова ера на одржлива мобилност
За разлика од традиционалните соларни панели, новата технологија не користи редок материјал или силикон, што ја прави и поеколошка и поекономична. Дополнително, бојата е целосно рециклирачка, што ја зголемува нејзината одржливост. Со оваа иновација, Mercedes-Benz поставува нови стандарди за енергетска независност кај електричните возила и ја отвора вратата кон нова ера на одржлива мобилност.
