Научниците од Кембриџ алармираат: Светот се соочува со закана од глобален колапс – ризиците стануваат сè поочигледни и пострашни
Она што некогаш беше тема за секташи и теоретичари на заговор, денеска е сериозна грижа на водечките светски експерти. Предвидувањата од светските универзитети се полни со предупредувања за крајот на цивилизацијата, засновани на анализи, моделии и непобитни докази. Научниците велат: Игнорирањето на овие аларми ни се заканува на сите нас.
In This Article:
- Експертите предвидуваат: Постои огромна веројатност за колапс или исчезнување на човештвото во следните 75 до 100 години
- Глобалната цивилизација е единствена – ако исчезне, никој нема да ја замени
- Климатските промени и технологијата – уште позагрижувачки фактори за иднината на човештвото
- Дури и елитите не се чувствуваат сигурни: Бункери, бизнисмени и параноја – но спасот останува неизвесен
Експертите предвидуваат: Постои огромна веројатност за колапс или исчезнување на човештвото во следните 75 до 100 години
Книгата „Проклетството на Голијат“ на научникот од Кембриџ, Лук Кемп, детално ги анализира ризиците што можат да доведат до уништување на човештвото. Експертот од Оксфорд, Тоби Орд, нашите шанси за преживување во следните 75 години ги споредува со руски рулет: 1 наспроти 6. Ник Бостром оди понатаму – тој верува дека имаме 25% шанси да преживееме до следниот век. Џаред Дајмонд, добитник на Пулицерова награда, предвидува дури 50% шанси за опстанок после 2025 година.
Глобалната цивилизација е единствена – ако исчезне, никој нема да ја замени
Кемп потсетува: во минатото, цивилизациите умирале, но нивното наследство го продолжувале други. Денес, светот е глобално поврзан – ако пропадне, нема кој да почне одново. Меѓу најголемите закани е јадрената опасност: низ светот се дистрибуирани околу 10.000 јадрени боеви глави, а меѓународните договори се немоќни. Сè поголема е и опасноста од пандемиите – болеста денес може да го зафати светот за денови, а експериментите со смртоносни патогени не запираат.
Климатските промени и технологијата – уште позагрижувачки фактори за иднината на човештвото
Глобалното затоплување денес е десет пати побрзо отколку во времето на Големото Пермско изумирање. Веќе 30 милиони луѓе живеат во краишта со температури над 29°C годишно, а до 2070 година таков живот ќе имаат 2 милијарди. Производството на храна е загрозено, полињата за пченка можат да се преполоват. Вештачката интелигенција отвора нови ризици: Илон Маск проценува дека шансите за катастрофа се меѓу 10 и 20%, а поранешен инженер на Google вели – речиси 95%. Овие технологии често се користат за воени цели, што ги прави заканите уште поголеми.
Дури и елитите не се чувствуваат сигурни: Бункери, бизнисмени и параноја – но спасот останува неизвесен
Најбогатите се подготвуваат за колапс: коосновачот на PayPal, Питер Тил, има авион подготвен за бегство кон свој бункер во Нов Зеланд. Генералниот директор на OpenAI, Сем Алтман, има тајна стратегија за спас. Но, ниту бункерите не гарантираат трајно преживување: недостиг на ресурси, внатрешни конфликти, дури и идеи за електронски надзор врз персоналот. Лук Кемп не верува дека има лесни решенија: голем дел од човештвото ќе загине, прашање е само колку и кога – и дали човештвото ќе има сила да избега од сопствената судбина.
