Направев наглед безопасна грешка за време на летот и за малку ќе го изгубев видот засекогаш
Девојка која се враќала од одмор во Грција со 11-часовен лет до Њујорк сподели застрашувачко искуство откако една наглед обична и безопасна грешка за малку ќе ја чинела целосно слепило на едното око. Таа занемарила да ги извади контактните леќи во текот на целиот 24-часовен период додека патувала. Спиела во авионот, а претходно пливала и се туширала со нив.
Два дена подоцна десното око гледало само бело
По пристигнувањето дома, се разбудила со неподнослива болка, силна чувствителност на светлина и комплетно бела слика на десното око. Нејзиниот вид целосно исчезнал. Во болницата за очни болести во Њујорк ѝ бил дијагностициран сериозен чир на рожницата, односно инфекција и рана на површината на окото.
Сувиот воздух во авионот и леќата отвориле пат за бактерии
Лекарите утврдиле дека сувиот воздух во авионот, заедно со контактната леќа, создале микрооштетувања. Преку нив бактериите продреле длабоко во очното ткиво. За среќа, по неколкунеделна интензивна терапија со антибиотски капки на секој час и стероиди, лекарите успеале да ѝ го спасат окото од оперативна трансплантација. Сепак, таа останала со трајни лузни на рожницата и делумно заматен вид. Офталмолозите алармираат дека спиењето, патувањето со авион, туширањето или пливањето со контактни леќи претставува огромен ризик од развој на опасни бактериски инфекции кои можат за кратко време целосно да го уништат видот.
