Најскапоценото наоѓалиште во историјата на САД откриено случајно од сопружници на прошетка
Февруари 2013 година. Пар од Калифорнија шета низ својот имот на западните области на Сиера Невада. Додека го шетаат своето куче, откриваат рѓосана конзерва што ѕирка од земјата – и нивниот живот засекогаш се менува.
Златните монети биле заспани во земјата цели 150 години
Мери ја забележала рѓосаната конзерва. Со мала помош од сопругот и стап почнуваат да ја ископуваат и шок: конзервата е невообичаено тешка. Откако ја отвориле, во неа имало само златни монети! Се уште не им било јасно дека се работи за огромно богатство. Возбудата ги тера да земат лопата, па да се вратат со металдетектор. За една недела ископуваат уште седум конзерви, полни со монети од периодот 1847 до 1894 година. Вкупно: 1427 златни монети со номинална вредност од 27 980 американски долари, но проценети на најмалку 10 милиони долари. Некои примероци вредат и по милион долари поединечно.
Таајната за потеклото: дали богатството е украдено од Сан Франциско пред 120 години?
Бидејќи монетите речиси и не биле во промет, се појавува сомнеж околу потеклото на богатството. Во весник од 1901 година има белешка за кражба од 30 000 долари од Санфранцискиот ковачки завод, но официјалните власти не го поврзуваат наодот со тоа злосторство. Златото веројатно било скриено веднаш по ковањето од сопственик со нечесни намери. Сопружниците, чиј идентитет и точната локација се чуваат во тајност, продаваат дел од монетите преку интернет, а дел од приходите одат за добротворни цели.
