Најмоќниот таен играч во Америка: Советник на Трамп признава дека Лари Елисoн е „претседателот во сенка“ на чело на Соединетите Држави
Додека сите очи беа вперени кон Илoн Маск и неговите конфликти со Доналд Трамп, во тишина се издигна друг милијардер чија сенка се протега до самата Овална канцеларија: Лари Елисoн, коосновачот на Oracle и официјално втор најбогат човек на светот, со богатство од над 350 милијарди долари. Советник на Трамп му признал на репортер од Wired дека Елисoн реално е „претседателот во сенка“ на САД.
In This Article:
Елисoн – Тајниот моќник кого Вашингтон го почитува и му се плаши
Еден советник на Трамп што работи во индустријата за вештачка интелигенција ја опиша улогата на Елисoн со зборовите: „Тој е некако анти-Илон. Не се плашат директно од него, но луѓето што ги знаат работите во Вашингтон се свесни дека има огромно влијание“. Три децении претходно, Лари беше прогласуван за „најпознат плејбој во Силиконската долина“, човек што ги трошел парите на свадби, борбени авиони, јахти и дури и купување цели острови на Хаваи.
Се повлече од очите на јавноста и стана голем донатор за Републиканците
По разочарувањето од администрацијата на Обама, Елисoн станува редовен донатор на Републиканската партија, иако претходно бил „голем обожавател на Бил Клинтон“. Денес, на 81-годишна возраст, тивко добива вистинска политичка моќ. „Лари се најде во оваа позиција на стар државник каде што, и без да каже нешто, може да влијае сериозно“, објаснува близок извор за Wired.
Оракл е столбот на технолошката инфраструктура на Трамп
Компјутерските сервери на Оракл се основата на голем дел од технолошката и ВИ индустрија во САД. Компанијата учествува во „Stargate“ проектот на вредност од 500 милијарди долари и склучи договор со OpenAI вреден 300 милијарди долари за обезбедување ненадминати компјутерски ресурси во наредните пет години. Оракл има блиска врска и со ТикТок, каде преку договор поддржан од Трамп, Елисoн ќе има контролен удел врз алгоритмите кои ја одредуваат содржината што ја гледа речиси третина од возрасните Американци.
Семејството Елисoн презема медиумски гиганти
Синот на Лари, Дејвид, неодамна го купи Paramount и го спои со медиумската група Skydance во сопственост на семејството. Новата компанија Paramount Skydance веќе го поседува CBS News, а ако ја преземе и Warner Bros Discovery, ќе дојде до една од најмоќните медиумски концентрации, вклучувајќи ја и CNN. „Семејството Елисoн го освојува вниманието и податоците на американскиот народ“.
