На 5 години научил да оди, на 89 почнал да трча, а на 114 го удрил автомобил: Животот на светската легенда Фауџа Синг
Во малото индиско место Пунџаб сите деца му се смееле: Фауџа не можел ни да оди до пет години, а за трчање ниту размислувал некогаш. Ниту посетил училиште, ниту се занимавал со спорт. Никој не можел да замисли дека најнеталентираното дете од селото ќе стане икона на светскиот маратон.
In This Article:
Преживеал војни, разделби и загуба на најблиските
Животот на Фауџа течел обично – полиња, жетва, фамилија. Ги надживеал двете светски војни и крававиот распад на Британска Индија. За маратонот не знаел ништо – кога требало да го прехранува семејството. На 89 години ја загубил сопругата и избегал кај синот во Англија, но судбината повторно го поместила: сите негови деца починале еден по друг. Останал сам во туѓина со својата болка.
Случаен утрински џогинг го вратил во живот
Во Лондон, случајно се запознал со повозрасни луѓе кои трчале во паркот. Од пристојност се приклучил и почнал да трча секое утро. Со секој чекор, болката го напуштала – трчањето му станал спас од очајот. Тоа што започнало како терапија, го донесе до професионален врв: во 2000 година, на 89 години, го истрча првиот маратон. На 100 години стана првиот стогодишен човек што ја поминал цела маратонска дистанца – 42 километри и 195 метри, за 8 часа и 25 минути. Adidas го зема за реклама и беше познат како „Торнадо во турбан“.
Симбол на надеж: Олимписки пламен, сенка на староста и недостижен рекорд
Двапати му го доверија олимпискиот пламен – Атина 2004 и Лондон 2012. Илјадници му аплаудираа како на симбол дека за нов почеток никогаш не е доцна. Иако Гинисовата книга официјално не го призна, бидејќи немал извод на раѓање, целиот свет го знаеше Фауџа Синг и неговите подвизи. На 102 години се пензионираше, но трчањето никогаш не го напушти: зора по зора, помагаше на други, собираше донации, инспирираше.
На 114 години го прегази автомобил
Понеделник требало да биде обичен ден. Фауџа, 114-годишен, излегол на прошетка по улиците на Пунџаб. Бел теренец излетал со огромна брзина и го удрил – возачот не застанал. Брзата помош дошла, лекарите се бореле со часови, но повредите биле фатални. Возачот – 26-годишниот Амритпал Дилон, бил уапсен истиот ден. Легенда што преживеала две светски војни го сопре невнимание зад воланот.
