Мистериозна црвена светлина се појави пак над мал италијански град и ги збуни научниците
Научниците се збунети од појава на мистериозен ореол од црвена светлина кој се појави по втор пат во рок од три години над малото италијанско гратче Посањо, сместено под падините на Алпите. Неверојатната фотографија го прикажува прстенот кој личи на НЛО како лебди над градот. Фотографот Валтер Биното ја сними оваа чудна структура додека таа блескаше во небото на 17 ноември во 22:45 часот по локално време. Овој мистериозен прстен е изненадувачки сличен на друг црвен ореол што го видел Биното на истото место во март 2023 година. Оваа година, ширината на ореолот се проценува на 200 километри, а се појавил на височина од околу 100 километри.
In This Article:
- Фотографот Валтер Биното уловил еден од најретките природни феномени
- ELVE настанува кога моќна молња испраќа електромагнетен пулс во горните слоеви од атмосферата
- Необичната појава не се должи на нешто уникатно кај Посањо туку на вештината и трпението на фотографот
- ELVE е дел од поширок клас на ретки и тешко проучливи феномени во атмосферата наречени TLEs
Фотографот Валтер Биното уловил еден од најретките природни феномени
Иако изгледот им е како нешто од друг свет, Биното не верува дека причината е вонземска. Тој објаснува дека овие прстени најверојатно се редок феномен поврзан со молњи, наречен ‘емисија на светлина и многу нискочестотни нарушувања поради електромагнетни пулсни извори’, или скратено – ELVEs. Овие светлечки ореоли се толку ретки што НАСА ги открила дури во 1990-тите, што ги прави особено необични двапати да се видат над истото мало место. Биното вели: „Тоа е многу редок феномен. Само неколку удари на молња може да го генерираат, а често се случуваат кога условите не се погодни за фотографирање – ако е ден, ако небото е покриено со облаци или едноставно ако спијам. Со првиот не можев да си поверувам на очите. Имав видено други на фотографии, но никогаш толку моќни и добро дефинирани. Дури и со другите, емоцијата беше огромна.“ Дури и со години трпение и подготовка, Биното успеал да фотографира ELVE само три пати.
ELVE настанува кога моќна молња испраќа електромагнетен пулс во горните слоеви од атмосферата
Научниците сметаат дека ELVEs ги предизвикуваат моќни удари на молња кои испраќаат електромагнетен пулс низ горните слоеви на атмосферата. Овој бран се судира со делот од атмосферата што се нарекува јоносфера – кој се протега од 80 до 644 километри над земјата. Тука, електромагнетното зрачење ги возбудува наелектризираните честички азот, кои тогаш зрачат со црвен сјај. Ова потсетува на процесот при кој светлината од Сонцето ги создава Северните Сеави. ELVEs се исклучително тешки за фотографирање бидејќи траат само една илјадинка од секунда – сто пати помалку од времето што ви треба да затворите око. Затоа, Биното користи специјална опрема која снима видео со исклучително висока фреквенција, а кога ќе помине молњата, ги бира неколкуте кадри на кои се гледа краткотрајниот прстен.
Необичната појава не се должи на нешто уникатно кај Посањо туку на вештината и трпението на фотографот
Иако може да изгледа мистично што ELVEs се појавиле двапати над Посањо за само две години, во реалноста ова најмногу се должи на способноста на Валтер Биното и неговата посветеност. Овие црвени прстени се толку големи и појавуваат на толкава височина што можат да се видат и од стотици километри далеку, ако се погледне со вистинската опрема. ELVE кој Биното го фотографирал во 2023 година, всушност бил предизвикан од молња во близината на Вернаца, 300 километри јужно од Позанјо. Последниот ореол, пак, бил резултат на бура над Анкона, околу 280 километри југоисточно.
ELVE е дел од поширок клас на ретки и тешко проучливи феномени во атмосферата наречени TLEs
ELVEs се дел од класата на непредвидливи и мистериозни феномени кои научниците ги нарекуваат транзиторни светлечки настани (TLEs). Тука, покрај ELVEs, се вбројуваат и така наречените „sprites“ – огромни црвени облици што личат на медузи што ги пружаат своите пипала над облаците. Најголемите sprites достигнуваат до 96 километри над врвовите на бура, но толку се бледи што можат да се видат само ноќно време или од вселената. Сите овие настани, вклучително и молњите, се поврзани со комплексната физика на електрицитетот во атмосферата. Молњата се создава кога силни воздушни струи предизвикуваат акумулација на електрицитет во гломазни дождовни облаци. Кога напонот е доволно голем, доаѓа до брз испуст на електрицитет – молња. Овој феномен е толку опасен што според Светската метеоролошка организација на ОН, одзема многу животи годишно.
