Meme coins - што се тие и која е нивната вредност?
Меме коинсот се криптовалути инспирирани од интернет-мемиња и шеги, кои честопати добиваат голема популарност благодарение на социјалните мрежи. За разлика од сериозните блокчејн-проекти, меме коините ретко нудат технолошки иновации и нивната вредност главно зависи од масовната поддршка и популарноста. Тие се карактеризираат со: Минимална технолошка поддршка – најчесто немаат сопствен блокчејн или развојна стратегија. Екстремна нестабилност – цените можат драстично да пораснат или паднат поради твит или медиумско спомнување. Силни заедници – токените често се потпираат на онлајн-фанови кои го промовираат проектот. Ризик за инвеститорите – без стабилна економија, меме коините лесно може да го изгубат значењето кога „шегата згаснува“.
Популарни меме коинс во моментов
Примери за вакви проекти се TrumpCoin и FLOKI. TrumpCoin се базира на имиџот на Доналд Трамп и ја користи неговата политичка популарност. Иако привлече внимание, немаше јасна инфраструктура и брзо стана нестабилен. FLOKI, пак, се инспирираше од миленичето на Илон Маск и направи обид да прерасне во поширок екосистем. Проектот најави DeFi и Metaverse функции, но цената на токенот и понатаму зависи од интернет-хипот. Иако повеќето меме коинс немаат реална вредност, некои проекти се обидуваат да изградат функционални апликации и да создадат долгорочна корист. Сепак, вложувањето во вакви криптовалути носи висок ризик.
